女友早前在Nokia應徵Parttime產品推廣員。
她首先要經過幾round的interview，待Nokia通知結果後，便接受為期一個星期的training。
這個training犀利囉，一連五晚，每晚名義上六點至九點，實際上是六點至十點，最後一晚是考試。這一連五晚的training，Nokia公司係一個仙都唔會畀的，所謂一個仙都唔會畀，即係連交通費都沒有咁解。以我女友居住的位置（屯門市中心附近）和Nokia training的位置（太古城），單是五晚的交通費，已經是二百五十大元，咁計埋晚飯錢呢，就即係要四百大元。
Nokia公司都叫做好野囉，一個21歲都未夠的女仔要去應徵，首先就要自備$400，而Nokia公司的人工（如果佢請你的話）就只係$29一個鐘，即係叫個sales之後還要白做都兩日才可以cover佢training的車費＋飯錢。
我真係好唔明，點講要過左考試先簽個試用期contract。個training唔係學電腦學英文呀，係直接地同Nokia公司有關的－－例如Nokia手機function，同埋點樣去sale客－－呢ｄ training好應該係試用期裡面做，同埋要畀返錢個trainee，佢應該都要算係staff。
不過，在這個年頭，最惡頂的一句說話，就係叫做你情我願。我頂！當你呢種咁樣剝削手段成為無形中的行規，這是甚麼樣的你情我願。
或者，我地真係要諗下，我地應唔應該再用Nokia手機。
