【獨媒報導】去季三冠王傑志今季先後失落港超聯、足總盃及菁英盃冠軍，今日在港超聯煞科戰以2：3不敵理文，在聯賽榜僅排第四完季，平了2018/19年球季最差的成績。傑志多名球員在賽後向《獨媒》表示，來季去向未明。中場球員查理史葛不滿，傑志現階段仍未向其洽談是否續約：「希望呢件事將來可以改善。因為對球員，特別係外藉球員嚟講唔係好事。好似我咁，我需要擔心我嘅未來，考慮究竟需唔需要執嘢返英國。成件事係唔理想，你明明只係想專注喺足球度。但到頭嚟，你連下季點都要擔心埋，呢啲事唔會喺歐洲發生。」
傑志會長伍健在今場賽後未有到球場草地範圍接受記者訪問
在今季港超聯聯賽賽事，傑志20戰14勝3和3負排第四，在煞科戰再次向理文稱臣。球隊今季一直遭外界垢病球員年紀偏大，在經歷失敗的一季後，會長伍健早前已預告來季將有大變動，人腳將會年輕化。另外，效力理文的基華尼頓及冠忠南區的史提芬彭利拿，亦已事先張揚將會離開球隊。
米基爾確認收到「其他球會」邀請 經紀喚目前未能透露
在煞科戰完場後，一眾傑志球員向球迷致謝，《獨媒》向傑志多名球員了解來季動向。巴西外援、中場米基爾確認，已收到「其他球會」的邀請：「現階段我有一啲亞洲球會嘅選擇，但我唔可以透露更多，我嘅經紀目前話唔可以。」
不過，米基爾就透露，今次接獲斟介的國家與香港有截然不同的足球文化：「我覺得每個地方都係完全唔一樣，香港有多啲接觸同跑動，中國會控多啲球，泰國都有唔同嘅改變，同有好好嘅球員。」
被問到傑志如提供新合約的話，會否選擇留下，米基爾則指「會等下」：「我同會長傾過，佢話要等埋今日呢場再決定。我暫時未落好決定，今季好攰，我可能要唞下先落到決定。」
查理史葛冀續留港發展 視乎傑志提供新合約與否
另一中場球員、曼聯青訓產品查理史葛，他已來港效力愉園及傑志共四個球季。對於網上有傳來季或返回英國，查理史葛就向《獨媒》表示，「呢刻無任何嘅打算」：「我嘅合約5月31號就會結束，但球會仲未同我傾。我亦都未收到新嘅合約。我希望唔係（效力傑志最後一場），但今日好可能係我最後一場比賽。」
查理史葛續稱，希望能成為「留下來的人」，繼續在香港發展足球事業：「我已經喺度踢咗四季，我好鍾意住喺香港，但我嘅未來唔係我可以控制，要視乎我收唔收到合約。所以我會睇下，傑志會唔會俾新合約我。如果佢唔俾（合約），我應該會離開（香港）。」
然而，查理史葛對《獨媒》指，現階段仍未獲悉傑志何時作出決定：「我希望呢件事喺將來可以改善，因為對球員，特別係外藉球員嚟講唔係好事。好似我咁，我需要擔心我嘅未來，考慮究竟需唔需要執嘢返英國。成件事係唔理想，你明明只係想專注喺足球度。但到頭嚟，你連下季點都要擔心埋，呢啲事唔會喺歐洲發生。」
王振鵬盼獲新合約 艾里奧：有能力的情況下多留一季
至於傑志老臣子、40歲守門員王振鵬，他亦表示希望繼續留低：「唔知上面想唔想我繼續留隊，但其實我係鍾意踢多幾年。」他向《獨媒》表示，盼望再次獲得傑志的一紙合約，但同時亦考慮在適當時候「退下來」：「同呢班球員踢耐咗之後，我個心態⋯⋯都覺得⋯⋯我呢個年紀係唔係太大，係咪真係要多踢幾年呢？」
作為球隊今季隊長，38歲的後衛艾里奧則透露了一些端倪，表示將在下星期會就續約事宜作決定，「我想留低，但我唔知道事情嘅發展會點樣。」他向《獨媒》指，希望能夠在有能力的情況下，留在「藍鳥」多一季：「或者可能踢多一年、踢多一季，踢完之後我會再決定需唔需要停落嚟。」
記者：劉苑嫻、麥馬高
攝影：周頌謙