（獨媒報導）新冠疫情肆虐三年，本港邁向全面復常，近日接連有食肆倒閉。位於深水埗西九龍廣場的「空姐牛肉飯」東主郭德英宣布，其店舖將在下周三（26日）結業，稱在早已欲結業但不想「俾黃絲睇死」，所以「堅持」至今。郭德英解釋，與朋友開辦的旅行社工作太忙，已未能兩者兼顧，形容今次是光榮結業：「黃絲們你睇完呢條片開你嘅香檳，切你嘅燒豬啦！」
影片截圖
郭德英周五（21日）在店內拍片，上載到YouTube 宣布其店舖結業的消息，稱「黃人開香檳拍爛手掌，我自己或者熟我啲朋友都會恭喜我」，更以自嘲形式反問：「乜嘢原因黃藍都咁開心？」
曾任美國聯合航空空姐的郭德英，在反修例運動期間高調撐警，並在2020年提出私人檢控，控告時任廣播處長梁家榮5項「公職人員行為失當」罪，但遭法庭拒絕。她在深水埗西九龍廣場開設「空姐牛肉飯」；郭德英在影片中表示，去年3月與自稱「灣區博士」的沈永年開設旅行社，曾舉辦本地旅行團，通關後就立即舉辦內地旅行團。
郭德英（資料圖片）
自稱華麗轉身 「旅行社發展大過牛肉飯」
郭德英提到，旅行社工作近日「忙得好緊要」，並會有「好大發展」，在未能同時兼顧下唯有放棄「空姐牛肉飯」。她表示，其旅行社的拍檔一直喚她應盡快結業：「大家都睇到旅行社嘅發展，一定係大過牛肉飯，甚至乎賣樓一定係好過賣牛肉飯。」她表示，遲遲未結業因不忿氣，因不欲給予機會「黃絲睇死」。
對於「執笠」之說，郭德英就不同意，認為只是光榮結業、華麗轉身及轉跑道：「因為我一個人真係兼顧唔到咁多嘢，尤其是大家都見到我成日出post 請人，尤其請夜班。」郭德英更表示，憂慮自己日夜工作「會猝死」，「返到嚟幾瓣生意，大家都知道我仲賣埋大灣區樓」。
影片截圖
指獲網友鼓勵 認為歷史任務已完成
郭德英表示，早前獲網友親身到店舖鼓勵，稱其歷史任務已經完成：「香港都已經回復平靜啦，我哋19年發聲，堅持到宜家，當然以後我都會堅持！」
另外，郭德英早前曾發文，力撐銀龍咖啡茶座的李凱瑚，但同時慨嘆在表態後「無回報，代價多」。她在影片中表示，自己對發聲無怨無悔，自2019先起不斷遭黃絲攻擊：「啲黃絲、漢奸，要走佬嘅走佬，要坐監嘅坐監，鵪鶉嘅鵪鶉，我哋嘅作用都細咗㗎啦，係咪？冇乜嘢鬧啦嘛！政府做得好好！」
1月仍招聘夜班店員 月薪9千元不認為是低薪
翻查資料，郭德英在今年1月中仍作出招聘，為店舖聘請全職夜班店員，需每周六日工作，每周工作34小時，月薪為9千元，另設1千元勤工獎，有網民質疑人工太低。
在結業前夕，郭德英亦不忘反擊，認為絕對不是低薪：「都俾黃人笑過我，又請人，你個度咩人工呀！又話低，其實已經係一萬蚊一個星期做6日，每日做幾個鐘頭咋喎。唔係叫你做足成日喎！好多人好多人都話低，真係冇辦法！坦白講，我都想每一個員工都10萬蚊一個月，好似立法會議員咁高薪！」