【獨媒報導】行政長官選舉唯一候選人李家超的 YouTube 頻道遭終止，競選辦主任譚耀宗對記者指，今早接獲 YouTube 母公司 Google 通知，指李家超競選辦頻道違反美國出口及制裁政策，而被停用及刪除，「佢係阻止唔到我哋，將我哋選舉嘅訊息、候選人嘅訊息向社會大眾嚟傳送嘅，我哋會繼續我哋嘅選舉工程」。
李家超的競選辦公室 YouTube 頻道，自今早起無法搜尋及瀏覽，另一社交媒體 Facebook 專頁則正常運作。譚耀宗引述 Google 回應指，YouTube 頻道內容已「無法還原，即係無得改變㗎喇」。
譚耀宗對今次事件表示遺憾，指事件十分突然，批評 Google 做法無理。記者問譚耀宗，Google事前是否曾作出通知，譚耀宗表示沒有，「我哋都係突然發覺，點解停止咗我哋帳戶，吓，我哋後來了解落去，係好簡單，話我哋違反咗佢哋相關嘅政策，我哋覺得係毫無道理」。
對於會改用甚麼渠道取代 YouTube 作宣傳，譚耀宗只稱渠道有多種，強調不會影響選舉工作。
《南華早報》引述 Google 回覆指，做法與美國制裁有關。在2020年8月，美國財政部以損害香港自治和港人自由制裁11名官員，當中包括時任保安局局長李家超；特區港府曾發聲明回應，批評美國的制裁卑劣無恥，並指美國對港府官員實施所謂的制裁是完全站不住腳。