【獨媒報導】《立場新聞》母公司、前總編輯鍾沛權及前署任總編輯林紹桐被控「串謀發布煽動刊物」罪，上月被裁定罪成，今於區域法院判刑。早上已有不少市民到場輪候，有前立場員工形容兩人「decent」、「有禮貌」，「畀好大嘅自由度所有記者」，又憶述早前見面時鐘沛權精神狀態不俗，惟林紹桐「好明顯咁瘦咗好多」，望兩人保重，「就算佢哋入返去，我哋都會再見。」記協前主席岑倚蘭亦望到場支持兩人：「讓佢哋唔好覺得孤單，留喺香港啲行家繼續出現，撐佢哋囉」，又指結果雖很多時令人失望，但「心存盼望囉，風雨總會有消除嘅一日」。
身穿深藍色裇衫、卡其色褲的鍾沛權，今近12時半到達法院。而裁決日因病獲准缺席的林紹桐，則穿白色長袖裇衫、深綠色褲、戴白口罩，於約1時許到達，身形明顯較之前消瘦。辯方早前求情時透露，林患嚴重疾病需接受化療。
《立場新聞》前總編輯 鍾沛權
《立場新聞》前署任總編輯 林紹桐
市民一早到場輪候公眾旁聽席
案件於下午2時半開庭，《獨媒》早上約7時到場，法院地下已有約9名市民排隊。排首名的市民「姨婆」居於葵涌，由2019年開始旁聽法庭案件，今早約6時到場，她指「牆入面嗰啲，每一個對我哋都係好重要，甚至係一個人我哋都要去聽，去話俾佢聽『有我哋響度』」。她希望向兩人說「希望佢哋身體健康」、「祝佢哋平安」。
早上約9時，旁聽隊已達40多人，當中有一部分為中年人士，記者問他們旁聽什麼案件，均不獲回應。現場多次發生爭執，有人打算插隊被其他人士揭發，亦有多個位置的人離隊良久，引起市民不滿，稱「冇排隊黨就冇問題啦」。在場保安則解釋措施「人性化」，指由於排隊時間長，允許輪候人士外出散步、用膳等，亦強調保持公平公正的原則，呼籲「唔好幫人排隊」。
姨婆
前立場員工指林紹同身體「好明顯瘦咗好多」
曾在《立場》工作一年多的前員工葉小姐，坦言感覺「唔好受」，指公司因而結業，經歷這番事件後她亦轉行。以前的她負責法庭新聞，較少到公司工作，但每次開會都會見到兩人，形容他們「decent」、「有禮貌」，亦不會限制記者所編寫的內容及工作，「會畀好大嘅自由度所有記者」，也會給予改善意見。
她又指，兩星期前曾與兩人見面，「阿權就應該睇落精神狀態都 ok 嘅，但係 Patrick （林紹桐）就真係好明顯咁瘦咗好多，同埋成個人都好攰囉，好似得返一嚿骨咁樣囉，撐住件衫咁樣。」被問到有什麼想對兩人說，她希望兩人身體健康和保重，「就算佢哋入返去，我哋都會再見。」
記協前主席岑倚蘭到場支持：心存盼望，風雨總有消除一日
記協前主席岑倚蘭亦有到場排隊，她表示與鍾沛權相識近30年，在《蘋果日報》任採訪主任已認識其太太陳沛敏，亦見證二人結婚，今早向兩人傳短訊稱「風雨同路，繼續撐你哋，願你哋平安」。
岑認為，審訊由二十多日延至五十多日，二人被捕至今亦近3年，對二人而言「係好磨人嘅一個過程」。她上星期曾與鍾沛權進餐會面，替他打氣，並擔憂林紹桐的身體狀況：「希望佢唔好再判返入去。」
岑又說，對於裁決結果感到「好憤怒」，亦不認同裁決理由：「做新聞工作咋嘛，做到點解要坐監？」她又指，雖然結果「好多時好似好令我哋失望，但係心存盼望囉，風雨總會有消除嘅一日」，她作為新聞工作者亦望繼續支持和同行，指新聞界發生很多事：「讓佢哋唔好覺得孤單，留喺香港啲行家繼續出現，撐佢哋囉。」
記協前主席岑倚蘭
獨立記者稱新聞界早於二人被捕時已受影響
獨立記者鄭思思坦言，對裁決感到失望，亦認為判詞對新聞界進行訪問和時事評論，定下了很多新紅線。被問及會否影響往後的新聞工作，她指「個影響 before 嗰判決已經有喇」，即使未有判決前，經已無人敢訪問海外流亡人士，「我覺得個影響係早於2021年佢哋被捕，已經會步步為營、自我審查、小心，但個判詞就更加冇改變嗰局面。」
市民望向兩人說「加油」
居於粉嶺的市民王先生早上約9時半到場，他由提堂開始已旁聽此案三次，指「今日係大概都估到嗰結果，但係都覺得要支持一下」。他形容，《立場新聞》對他而言是一個「獨立的聲音」，用另一個角度去闡述事情，「係我其中一個要睇嘅媒體，但就冇咗喇。」王說，「欣賞佢哋敢講」，能反映他的心聲，並想向鍾沛權和林紹桐說「加油」。
王先生