【獨媒報導】2019年7.21元朗事件中，遭白衣人施襲的前立法會議員林卓廷，與6男被控暴動罪，案件今（7日）在區域法院續審。林卓廷供稱，曾打開閘門欲救遭圍毆的女子，但隨即被白衣人包圍故打消念頭。法官陳廣池問：「咁你有冇叫人出去？」，林反問：「我自己都唔敢，點叫人呀？」後期閘內有人持消防喉向閘外射水，白衣人散去。陳官問林：「你有冇喝止佢哋唔好咁做？」，林表示沒有，他感覺射水目的是「阻止白衣人攻擊閘外面嘅人」、「救緊畀人打嘅人」。最後傷者成功返回閘內。此外，陳官見男子邊持水喉，邊用傘打白衣人；林則認為他是抵擋白衣人攻擊，「法官閣下，我睇到係擋住佢支棍喎」，陳官補充這導致白衣人反擊。
官問有否想過離開 林反問：點樣走呀？
林卓廷第3日作供。辯方大律師黃錦娟播放林的直播片段，顯示大部份白衣人已遠離林身處的位置。林強調危險仍然存在。法官陳廣池問：「有冇諗住走？」，林反問：「點樣走呀，法官閣下？」陳官要求林回答，林表示：「我唔諗住走」，因留意到白衣人隨時衝入閘，當刻沒有心思去考慮。
林表示，其後留意到閘外白衣人開始打人，包括何桂藍亦被打，亦聽到有人叫「記者都打」。林聽到冼卓嵐叫閘內正靠近欄杆的人群「返嚟呀」、「褪後啲」。陳官問為何白衣人開始打人之際，閘內市民反而靠近欄杆，「佢哋唔會去畀人打㗎嘛？」林解釋，他理解市民想上前保護受襲人士，同時有市民打開雨傘抵擋。
官指市民與林「唱反調」無後退 林：佢唔駛聽我話
陳官指出，市民與林「唱反調」，沒有理會他所呼籲的退後，更有人步出閘外。林回應：「佢唔使聽我話」，他只是對人群作出提醒。陳官質疑林聲稱用立法會議員身分勸阻市民，林解釋：「勸唔勸止到，唔係我能夠保證囉。」林又指閘內有過百人，自己分身不暇，「如果亂得好緊要，我都有點無能為力囉。」陳官又問，林有否留意有市民向閘外人士掟樽，林表示當時背向對方故無留意。
林稱欲出閘救人但被包圍 官：有冇叫人出去？
林表示，其後他見一名倒地女子遭白衣人圍毆，於是他打開輪椅出入口的閘門，打算前往救該女子。陳官問：「你揸住咪，又打開閘門，你唔驚㗎？」林回應：「我驚㗎。」陳官追問：「咁你有冇去救佢？」林表示：「我一打開閘門，就有幾個白衣人圍埋嚟。」陳官再問：「咁你有冇叫人出去？」林反問：「我自己都唔敢，點叫人呀？」 陳官續指：「有啲人會做呢啲嘢」，林表明：「我唔會做囉！」
林續指甫打開閘門，即見閘外告示牌旁，有一名持棍白衣人移近其方向，隨後再有兩名白衣人趨近，其中一人手持「小心地滑」膠座，另一人則向他招手。林見狀不敢步出，隨即關上閘門。陳官問林關門的話，就未能救該受襲女子，林回應：「閂唔閂門都救唔到」，他關門主要想將危險降至最低，「畀佢知道我唔打算出嚟啦。」
林認得「懵良」不停敲閘機 其後於車廂內襲擊自己
林又指，認得其中一名站在閘機、手持武器及戴黑口罩的男子為林觀良，綽號「懵良」。（翻查資料，他早前承認暴動等罪，判囚4年8個月。）林表示，對其印象深刻是因對方之後在車廂內打傷自己。林表示，當時不知對方身份，只留意到他手持粗木棍，不停用力敲打閘機發出「磅磅聲」，同時作出指罵，更一度伸手越過閘機，令林感震撼及驚恐。
林觀良（左，黑色口罩男子）
閘內市民持消防喉射水 林認為是想救傷者
片段顯示，其後閘內有人持消防喉向閘外射水，並射中林觀良；而白衣人數量減少並散開，其中一人滑倒在地上。林卓廷有留意到情況，但沒有與射水者傾談了解，故不知他們這樣做的原因。陳官問：「你有冇喝止佢哋唔好咁做？」林回應：「我冇喝止，第一反應唔知咩事」，之後他感覺閘內人士「想阻止白衣人攻擊閘外面嘅人」。
射水期間，閘外有傷者成功返回閘內，其中深色衫者雙手抱頭，另一人則在旁攙扶。林理解射水者是「救緊畀人打嘅人」，並希望阻止林觀良，因對方不停敲打閘機狀似「號召白衣人」。他們同時希望令傷者能夠返回閘內。
官指閘內人持傘打白衣人 林認為是抵擋攻擊
林亦留意到，之後有閘內人士使用滅火筒噴煙，自己沒有與對方溝通，亦無制止。此外，陳官見片段顯示男子邊持水喉，邊用雨傘打白衣人。林認為男子是抵擋白衣人的攻擊，「法官閣下，我睇到係擋住佢支棍喎⋯⋯打唔打到我睇得唔清楚喎。」陳官補充，男子的行為導致白衣人反擊。
一男子邊持水喉邊揮雨傘。
案件下周一續審。
7名被告均否認暴動罪，包括：時任立法會議員林卓廷（43歲）、庾家豪（35歲）、陳永晞（37歲）、葉鑫昇（31歲）、鄺浩林（26歲）、尹仲明（48歲）及楊朗（26歲）。
案件編號：DCCC 1106/2020、1132/2022（已合併）
審訊第25日
林卓廷稱未完成保護市民故無離開：點可以喺危難之中，自己走咗去呢？
林卓廷稱閘內市民射水為救傷者 官問：你有冇喝止佢哋？
審訊第24日
林卓廷稱事前不信會在西鐵站公然打人：係香港歷史上前所未見
林卓廷抱歉未能保護受襲市民 哽咽稱：無力感非常重，香港唔應該係咁
審訊第23日
林卓廷稱被告知「鄉頭吹大雞」及「有劇本」：穿黑衫挑釁就「藤條fit兩吓」
林卓廷稱往元朗站「畀壓力」及監察警方行動 警長曾告知「一直有便衣睇住」