（獨媒報導）一場一人一票真選舉，成功撼動建制板塊。舊法團主席吳蕙蘭任主席逾十年，勢力盤根山景邨，法團影響力甚至連政府做檢疫措施都被刁難，坊間謔稱山景又名「吳氏邨」。選戰逆轉勝，對山景區議員黃丹晴意義重大，在這個社區耕耘幾年，由零開始到迎戰勝仗，他表示最大啟示是「唔好放棄，死𦧲」，即使帳面大敗，實情距離勝仗可能是一步之遙。「山景新氣象」秘書Ivan則形容，勝仗是對開明派的一大強心針，「堅持，話畀街坊聽，參與真係可以改變現況。」
山景邨當區的屯門區議員黃丹晴，在2016年任屯門社區網絡召集人時，已關注山景邨法團問題，2019年區議會參選時，同樣以換走吳蕙蘭把持的法團為政綱之一。黃丹晴在「山景新氣象」勝選後，直言「當然仲有好長嘅路要行，但喺呢個時代，咁嘅政治環境，呢場勝仗好大意義」。對香港人的啟示？「唔好放棄，死𦧲」，黃丹晴說重新投票對街坊來說，「可能都有少少針拮到肉」，最後再激發到部份街坊入場投票。在這個社區花了幾年功夫，由零開始，最初街坊也冷漠。但飯一啖啖食，票也要一票票執，「洗樓，總要有呢啲傻人，尤其喺今日香港，正正好要呢啲傻人」。正如這場選舉，「山景新氣象」一度落敗，「可能帳面我地輸好多，但係其實唔係，只要努力，可能會贏到返嚟」。
「山景新氣象」團隊在首次點票時一度落敗
黃丹晴的出現，總會引來官媒喉舌狙擊，有藍絲專頁下午就廣泛黃丹晴「混入」山景企圖搞亂選舉。事實上，據記者現場觀察，山景邨的年長業主居多，政治光譜亦非常廣闊，既有戴上黃口罩的民主開明派； 亦有伯伯拿著親建制報紙，但大罵吳蕙蘭「搞到條邨立立亂」；亦有買了山景邨剛一年的新業主說，本來中立「五五波」，打算聽完兩邊政綱才做決定，誰不知入場排隊安排極混亂，2,000多人出席的業主大會，保安公司只派出十多名職員做和派選票工作，這位新業主花了一個多小時才能入場，他氣憤大罵「吳蕙蘭你玩X我？」，決定非投新氣象不可。
出席大會的人誇年齡誇政治光譜
有吳蕙蘭支持者不滿點票浪費時間
居民第一票先選「委員數目」，新氣象一度敗陣0.7%，由於絕大部份排隊和出席的街坊都支持新氣象，現場所見已近千人，居民都難以接受結果，即場質疑選舉不公，亦要求逐張點票，最終成功檢查到吳蕙蘭的一張選票實為廢票，足以影響其勝敗。吳蕙蘭最終同意重新投票，亦為這場逆轉勝寫下伏筆。
「山景新氣象」秘書Ivan直言，選前預測吳蕙蘭取得約800戶授權，但首次點票結果反映她獲逾千戶授權，「直情嚇一跳」，他非常感激街坊即使一時下雨一時暴曬，街坊亦堅持直到拿到選票一刻，「見到咁長人龍一刻，真係好感動，好感受到真係有機會推翻到現屆法團」。
山景邨這場改選，全港矚目，因為屋邨問題極多，在全港的出售公屋計劃反應最慘淡，並非無緣無故。Ivan說「我哋條邨好多花名㗎，北韓邨、吳氏邨」，山景的勝仗「對於其他傳統、專制咗好多年嘅法團，係一個好大警示」，「連我哋山景，佢(吳蕙蘭)玩到咁茅，將黑箱作業、隻手掩天發揮到極緻嘅人，都可以踢走」，對全港爭取陽光法團的開明派而言，是一枝很大的強心針。
「山景新氣象」全員勝選一刻難掩興奮