放空心情，甚麼能吸引你？
社區入面無嘢係必然存在既
一次有趣走入社區嘅歷程
就係停留、觀察、感受、發問！
第一招：老生常談六何法
乜：
講唔講得出係咩黎架？
講唔講得出係點樣㗎？
同我有咩關係？勾起我咩回憶？
邊度：
向上望、向下望、向左望、向右望
仲有 向後望
邊個：
邊個（會）喺度出現？
邊個會用乜？
邊個令到呢度變成咁？
幾時：
呢度唔同時間會唔會有唔同風景？
有無野唔同咗？
點樣：
啲人點樣用呢個空間？
我又可以點樣用呢個空間？
點解：
ATT值太高，自成一招
第二招：十萬個為甚麼
點解佢會出現？
點解佢會喺度出現？（佢同呢個地方有咩關係？）
點解佢會係咁？（位置、顏色、大小、方位……）
點解可以咁做？
點解唔可以咁做？
總之咩都可以問點解！
請保持好奇心
發掘新嘢，就算成日經過，都會有好多錯失咗
唔走大路走小巷，就一定會有新發現
為你覺得有趣既野停低腳步
記低你覺得有意思嘅事物
就 以上只係拋磚引玉
希望你享受到走入社區嘅樂趣～