（獨媒報導）「全民國家安全教育日」今日舉行，中環皇后像廣場設有「全民同心大拼圖」活動，市民可即場印製照片，貼上展板製作拼圖，其後可獲贈一個紀念布袋，內有兩個口罩套及貼紙。有參加者表示，「盡公民責任」來砌拼圖，又指為了國家安全，香港徹底取消選舉投票也沒有問題。同場亦見多個建制社團參與活動，包括鴨脷洲愛心協會。
參加者：投票嘥鬼氣！
參與活動的李女士被問到為何知道有此活動時，直言「有個會叫」，隨即被一旁的黃女士打住，澄清是「盡公民責任！自己想嚟！」黃女士表示國家安全最重要，反問記者「你係咪想啲黃絲打打殺殺？」，又指國安法刑罰「重啲就啱啊！」
黃女士又指「投票嘥鬼氣！英國政府有冇畀你投票？」，但承認以往選舉亦有投票。黃女士亦表態支持修改選舉制度，更稱徹底取消投票以換取國家安全亦「冇問題喎！」，惟在旁沉默已久的劉女士開腔反對，指「投票都係要有嘅」。
黃女士隨後又「大吐苦水」，指自己住在灣仔，自從民主派當選區議員後，一直聯絡不到區議員，直斥其「咩都冇做過！」被問到該名區議員是誰時，她則指「我唔知喎，總之我揾唔到佢！」
田女士
主婦拒評國安法：冇深入研究
田女士表示，「人嘅生活好簡單㗎咋、有份工、安全嘅城市」。被問到是否認為過去社運令香港不安全，她回應指「每一件事都有正反面，唔可以一刀切嘅。」但當被問到國安法有沒有反面，她則表示自己只是家庭主婦，「咁唔知啦，我冇深入研究」。
上班族林先生在午飯時間特意前來參與活動，稱國安法「有好過無」，又指「如果無呢啲事件（反送中），冇國安法就梗係好啦，但如果有就需要囉」。對於國安法最高刑罰為終身監禁、審訊不設陪審團，林先生回應指「最好都係唔好啦，但如果阻嚇到暴動就有需要啦」。
同場有參加者自稱是鴨脷洲愛心協會成員，今日組織了16名街坊前來砌拼圖，惟不願接受訪問。赤柱婦女會及赤柱街坊福利會亦有到場揮舞國旗，並拉起愛國標語字條。
蔡先生
公務員：全世界中國人都要知呢一日！
另外，愛丁堡廣場的展城館亦設有國安教育展覽，設有十數塊展板介紹「國土安全」、「核安全」等概念，惟參觀人數寥寥可數。公務員蔡先生參觀時表示，「唔止香港人要知，全世界嘅中國人都要知道呢一日！」，又指「無國就無家」，全力支持選舉改制。