（獨媒報導）港澳辦副主任張曉明一連三日在港出席座談會，就中央修改香港選舉制度聽取各界意見。有份出席座談會的經民聯立法會議員梁美芬大讚改制將會減少政治利益，「喺咁有廣泛代表性嘅選委會入面，冇人可以一錘定音」。她亦稱如果立法會增設40席選委會代表能代表不同聲音，「40個人一把聲音......一定唔係咁嘅，反而係多元化」。
管治班子必須愛國 梁：我哋唔係服務外國
梁美芬表示，今早與其他法律界人士出席了座談會。她指，完善選舉制度的工作是「不做不可」，由選舉產生的議員理應為人民服務，而非令議會成為鬥爭平台，「撕裂社會嘅源頭」。她認為現時議會議政質素大大退步，選舉制度明顯存在漏洞，「好多人敵對自己嘅國家，但係就去參選」。她重申只有符合「愛國者治港」原則的人才能加入管治班子，「我哋唔係服務外國」。
政府將設立資格審查委員會，以審查候選人資格。梁提到，委員會必定會有「一國」元素，「候選人亦都應該要對國家負責，唔係純粹兩制嘅事情。」至於日後立法會審理議案會否沿用分組投票制，梁相信「唔會繼續五十五十」，或調整現有機制，或實行簡單多數制，「之後每個候選人都符合愛國原則，簡單多數票其實一樣可以解決問題。」她指詳情仍須於日後討論。
批地區直選冇貢獻 讚選委會多元化
張曉明今早引述全國人大當委會副委員長王晨，指選委會於立法會將佔全體人數較大比例。梁美芬大讚有關變更，相信修改制度後將會減少政治利益，「喺咁有廣泛代表性嘅選委會入面，冇人可以一錘定音。」她又批評過往地區直選設五大選區，「睇唔到對社會有咩特別優點，對管治有咩貢獻。」她亦指，修例有助避免議員為取悅區內選民而走民粹路線。
被問及增加選委會成員會否減少現有議席的職權，梁美芬言「唔係直選就好啲，三組人都有唔同特質。」她稱選委會能代表不同聲音，「40個人一把聲音......一定唔係咁嘅，反而係多元化」，更形容增設新組別能帶來正面的化學作用。
贊成取消特首選委會區議員117席
張曉明亦稱，有許多人在座談會上提出取消或大幅縮減區議員在特首選委會的名額。梁美芬表示贊成此提議，指出任三屆區議員，同意區議會不應高度政治化，「全港性議題交返畀立法會，唔好令區議會都只睇顏色，而唔睇社區需要。」