政經

週二 2021-03-09 獨媒報導

【元朗7.21】辯方爭拗片中對話內容證人焦急稱：洗唔洗睇耳科醫生，我啲時間好寶貴

A A A

（獨媒報導）前年7月21日元朗站發生白衣人襲擊，8人被控暴動等罪，案件今（9日）第12天續審。庭上播放白衣人施襲片段，辯方指聽到有男聲說：「你哋打人呀！」，惟證人堅稱聽到：「你哋打人就得呀！」，最後重複播放片段後，證人焦急指：「法官你都聽到㗎，（辯方）洗唔洗休息吓睇耳科醫生，法官其實我啲時間好寶貴，如果聽日要我再嚟就唔得，我隨時無咗份工㗎！」法官其後澄清應為：「你哋打人呀得呀！」證人再次強調：「唔好嘥我時間呀，求吓你哋，拜託！」

證人被打中手後感麻痺

第十名證人男子J供稱，當晚在港島區晚飯後往乘港鐵，約10時半到達元朗站。他落車後到達大堂，見3名白衣人持木棍藤條追打一名男子，其背部被打中。J稱因他們較多人所以上前喝止，最後3人逃走。隔了3至5分鐘後，大量白衣人隨後上到大堂，J見他們手持武器故不敢出閘。

J稱當日在閘內近玻璃圍欄被白衣人以棍打他一下，導致手部感麻痺，他當時後退，另外亦有拍低白衣人的照片。但之後白衣人開始打他們，並有2至3人意圖衝入閘內，於是J逃至月台並進入車廂，當時車廂內的乘客有八成滿。控方問到：「八成滿即係幾多人？」，J反問：「你平時有無搭過地鐵呀？」其後白衣人開始以藤條木棍攻擊，J從車尾走至車頭上向車長求助，嘗試要求他緊急關門。

其後J見兩名年輕男子分別被兩名白衣人用棍打，一人被打至鼻樑流血，另一人則額頭流血。事後J往天水圍醫院求診，醫療報告指他左手肘擦傷、有紅斑及有傷痕，敷藥後即出院。

證人指第二被告曾稱：「你議員嚟㗎！你仲搞事！」

控方於庭上播放片段，指當中聽到第二被告黃英傑曾稱：「你係議員呀，你入嚟元朗搞事！」，亦有人稱：「你哋打人就得呀！」，並問J當時有否聽到。惟代表第二被告的律師則反駁：「唔喺咁喎！你不如唔好 lead 佢啦！」，J則指「出面有人講，但我地都無打人」。

控方又問到，為何J當時會專注拍攝第二被告，J回應指：「因為快門拍攝，佢咁啱喺我面前，我咁啱又喺佢面前」。J稱當時他有指嚇行為，但已不記得實際說話內容，只依稀記得他曾講粗口，內容提到林卓廷入元朗「搞事」，以及「你影乜撚嘢」。

其後辯方指片段中聽到第二被告稱：「你議員嚟㗎！你嚟搞事！」，J卻指聽到：「你仲搞事！」另外，辯方又指片中聽到有一把男聲說：「你哋打人呀！」，惟J堅稱聽到：「你哋打人就得呀！」，最後重複播放片段後，證人焦急指：「法官你都聽到㗎，（辯方）洗唔洗休息吓睇耳科醫生，法官其實我啲時間好寶貴，如果聽日要我再嚟就唔得，我隨時無咗份工㗎！」

葉官其後澄清應為：「你哋打人呀得呀！」，最後證人不同意聽到「你哋打人呀！」證人又再次強調：「唔好嘥我時間呀，求吓你哋，拜託！」

其後控方又要求播片，J卻打斷稱：「完咗嗰庭你哋自己圍內睇得唔得呀？」，此時葉官稱：「唔得！你合作啲吓！」

案件明（10日）續審，將由證人E作供。

案件8名被告依次為：王志榮（55歲，運輸工人）、黃英傑（48歲，電纜技工) 、林觀良（48歲，二手車銷售）、林啟明（43歲，汽車銷售經理）、鄧懷琛（60歲，燒烤場東主）、吳偉南（57歲，貨車司機）、鄧英斌（61歲，無業）及蔡立基（40 歲，機械技工）。

王志榮、黃英傑、林觀良、林啟明、鄧英斌及蔡立基被指於2019年7月21日在元朗港鐵站內參與暴動，及有意圖而傷人。鄧懷琛及吳偉南被指於22日在朗和路及元朗站一帶參與暴動，及串謀有意圖而傷人。鄧懷琛另被指於同日在元朗站及形點I一帶參與暴動，及有意圖而傷人。

案件編號：DCCC888/2019、11/2020、734/2020

元朗7.21白衣人暴動案審訊：
第十二日
辯方爭拗片中對話內容證人焦急稱：洗唔洗睇耳科醫生，我啲時間好寶貴

第十一日
遭白衣人圍毆男子曾被人救走今庭上道謝：多謝佢救我一命

第十日
片中白衣人稱「有無聽過新八國聯軍？」證人被打頭一度失視線
 證人指白衣人威嚇：「唔好再入元朗！」市民呼喊求停止但襲擊繼續

第九日
辯方質疑證人口供有出入及庭上狡辯：知唔知錄口供指證人後果可大可小？

第八日
片見白衣人指罵林卓廷：係你個仆街，搞亂晒！
證人指白衣人持1米長竹刀捅其胸口當時車廂內有小孩

第七日
辯方指市民大叫「牛屎佬」屬挑釁行為遭官質疑斷章取義
 男子隔開施襲者被圍毆至流鼻血白衣人車廂施襲後列車即開出