長沙灣一帶商舖林立，表面風平浪靜，暗底黑幫稱霸。深水埗區議員李文浩指，區內幾乎每年過年前，皆會有黑幫人士放盆桔在各商戶舖頭門外，向東主敲詐金錢。李文浩於新年前向超過200間區內商舖發出信件，希望不要再向惡勢力妥協，最終他未有收到街坊求助，相反收到兩位自稱「黑幫」人士來電，其中一人警告他不要「阻住我哋搵食」。
新年前運桔「收陀地」屬黑幫「傳統」，金額由3,000元至20,000元不等，商舖基本上不會報警。李文浩指翻查過往新聞，令他意識到新年收「運桔費」情況嚴重，「相熟商舖講過咁多年都畀，佢哋唔夠膽唔畀，因為佢哋知報警可以嗰一秒趕走佢哋，但間舖走唔甩，以後都會面對恐懼，今年做生意都會唔安樂。」
於是他向長沙灣商舖發出信件，內容主要是「拒絕黑幫敲詐」，有商戶一收到信件就貼出門外當作「護身符」。他指不會向警方求助，商舖亦一向不報警，「警察並不可信，我會咁做，係因為警察保護唔到商舖，我先要咁做。」
他指被黑幫「收陀地」的商舖，多數是食肆、水電、五金、裝修工程公司，「曾間舖十幾年前已經俾緊，08、09年，一盆桔嘅價格係三千，十幾年後嘅今日已經去到萬幾不等。有商舖曾經講價可唔可以平啲，黑幫會話我咁多兄弟搵食，如果唔係你啲生意唔老黎。」李文浩估計，「呢啲街舖，無商場保安，黑幫眼中呢啲老細大部分係『粗人』，呢啲行業對於黑幫嚟講比較容易得手。」
派出信件後，李文浩收不到任何商舖求助，但收到兩位自稱「黑幫」的來電，一位是前黑幫成員向他透露區內情況及「運桔費」傳統細節，另一位黑幫人士則警告不要「阻住我哋搵食」。李文浩認為黑幫不敢滋擾區議員，故敢於高調協助街坊。
翻查資料，早兩年有疑似黑幫向潮州食肆老闆收取「運桔費」不果，7名男子於凌晨時把食肆老闆拖出店外，用木棍及圓凳毆打。