（獨媒報導）全國政協副主席、港澳辦主任夏寶龍今早在北京出席「完善『一國兩制』制度體系，落實『愛國者治港』根本原則」專題研討會，強調香港的管治權必須掌握在愛國者的手中。行政長官林鄭月娥下午否認「愛國者治港」原則是要打壓民主派，「呢啲工作如果要用上『打壓』兩個字，係打壓一啲鼓吹港獨；係打壓一啲將香港推向萬丈深淵嘅暴力人士；係打壓一啲忘記咗祖宗、唔知道自己係中國人，去勾結外國社會破壞香港繁榮穩定、甚至制裁香港嘅人士。」
林鄭稱香港近年多事 中央要講清楚
被問及政府會否「DQ」區議員作回應，以及是否由中央主導香港選舉制度，輸打贏要打壓民主派。
林鄭表示，夏寶龍的講話涉及原則性大問題，並沒有提及選舉制度的具體改變。她強調「愛國者治港」並不是新生事物，要求治港人士是愛國人士更是貫徹一國兩制必然、必要條件，「不過香港近年發生好多事，係時候將呢啲大原則、大道理講清楚」、「就係因為香港發生嘅事令我哋好擔心好多人唔明白『一國兩制』，唔明呢個『愛國者治港』係必要條件。」
林鄭：愛國者治港係好低標準
她又認為，要求治港者為愛國者並不是「好高標準」，「甚至可以講係一個好低嘅標準。」她指「治港人才」不只代表行政長官，更涉及政治體制重要團體的主要人員，即行政機關主要官員、立法會議員、法官、區議員及公務員，「呢種愛自己國家嘅人治理國家嘅要求，係放諸四海皆準。」
她多次表示香港的一國兩制遇到「新問題、新挑戰」，形容香港「行偏咗、行歪咗」，中央有責任發聲，強調「只要我哋唔好忘記初心，依法糾正，一國兩制係可以成功行落去，甚至可以行得更加好。」
她續稱，政治體制問題是中央事權，「特區係唔可以制訂一套自治制度」，會尊重中央在完善政治體制及選舉制度的主導權，但未有提及選舉改革的時間表。
斥要打壓港獨
她否認「愛國者治港」是打壓民主派別，「呢啲工作如果要用上『打壓』兩個字，係打壓一啲鼓吹港獨；係打壓一啲將香港推向萬丈深淵嘅暴力人士；係打壓一啲忘記咗祖宗、唔知道自己係中國人，去勾結外國社會破壞香港繁榮穩定、甚至制裁香港嘅人士。」
林鄭指中央是理解及包容不同看法，政治上亦容許不支持政府政策、但仍愛國的黨派，強調過去亦曾與相反立場的議員共事合作，「依套工作肯定唔係打壓政治上有唔同立場嘅人士」。