以下係我作為長洲人同時作為長洲民選議員對大量遊客到長洲旅遊點樣影響長洲居民嘅日常生活：
香港巿民睇完的確可以瘋狂留言，「要不是我們，長洲完蛋了」、「長洲係你地架咩？咁叻封島呀」、「人地住旺角、銅鑼灣，嘈足咁多年，人地唔通又要封區唔俾你買野、行街咩」。
長洲街坊睇完又可能會話，「即係議員你廢，做唔到野啦」、「投你出黎都無用」、「我有投票俾你，你點都同我死掂佢」。
無論邊一方睇完都好，好希望大家平心靜氣諗一諗，可唔可以有德心，做好個人衞生。
其實係政府令香港巿民逼住去離島、郊外地方旅遊。
我真心向長洲街坊道歉，對唔住。
我就算以議員身份都好，係太多遊客呢件事，我完全做唔到啲咩。
我只能向香港巿民提醒盡量去唔同地方旅遊，唔好限死係離島、西貢之類。
由年初一到今日(年初六)竟然有慢船滿座提早開出嘅情況，仲要唔止一次，快船差唔多班班都滿咁劑，試過有一晚由長洲出中環嘅22:00都滿座。
長洲來往中環嘅渡輪係唯一交通工具！！！
長洲來往中環嘅渡輪係唯一交通工具！！！
長洲來往中環嘅渡輪係唯一交通工具！！！
太多遊客絕對影響長洲街坊嘅出入時間，希望香港巿民日後真係可以考慮去唔同地方旅遊！
你無巴士可以坐小巴，無小巴可以坐的士，無的士可以坐Uber，無Uber可以坐黨鐵。長洲街坊只可以坐船炸～
你坐遲一班車，可以遲10-15分鐘，長洲街坊坐遲一班船，係爭一個鐘～
非正式統計，係長洲做生意既人唔超過1000人，連帶工作機會可能大約3000-5000人，全長洲至少有2萬幾3萬人，唔好成日講帶旺長洲經濟，大部份長洲街坊都無受惠到，受惠只有商家。
無論係咩地方，任何人都應該做好個人衞生，唔好隨處掉垃圾，垃圾桶滿咗，你咪揸住先，有其他垃圾桶先掉。
有部份遊客亂掉垃圾、竹簽、口罩，你叫長洲街坊點會尊重你地呀。
真係希望每一個香港人唔好屌啲蝗蟲，自己又做蝗蟲。
你放假享受時，原來會清道夫額外做多咁多野，原來會影響長洲街坊日常生活。
我係想各人學識尊重其他人，再次希望所有香港人都有良好公民意識！
題為編輯所擬