小編早前睇報導話塔門個草皮禿晒（如圖），牛牛冇草食，所以好想去了解下，同埋探下啲牛牛，於是乎二話不說就相約牛義工！
去到見到啲牛身型有啲古怪，如饑民般肚大身瘦 （如圖），一問之下原來佢地有「垃圾肚」，食得太多垃圾所致！義工話初次探牛時，發現佢哋連草都唔識食。
肚大身瘦，拎走你啲垃圾呀唔該！
垃圾肚何來？
- 太多人去camping、hiking破壞了自然生態，過度踐踏草地，更有燒草地的情況，影響草的生長，禿晒冇草食！
- 冇草食牛牛唯有周圍搵食，嗅到營地食物的氣味，自然衝埋去，故時有牛牛營地搶食情景。更可怕的是有人餵牛，而餵嘅並唔係草！！！！！！！
⚠️⚠️各位，牛只吃草呀！⚠️⚠️
你哋啲麵包、雞翼、棉花糖，全部佢哋都唔應該食架！
垃圾入面仲有最可怕係膠袋！！！牛牛有時會誤把剩載食物的膠袋一併吞下。膠袋殘留在牛的胃裏不能消化，日積月累牛牛會吸收唔到營養，引致身體日漸消瘦，肚子大大，長此下去牛牛會因營養不足而死架!
唔好再比牛牛食膠袋喇！看看哪個垃圾肚，牛牛只吃草
護牛九式：
- 包容牛便： 牛牛是郊野的原居民，請包容牛便便，佢地係草草的養份！
- 勿打牛、勿嚇牛：見到牛，保持安靜便可！牛牛是溫馴的動物，不會主動攻擊人啊！
- 勿摸牛：尤其不要摸牛BB，因母牛嗅到BB有人類的氣味，便不會再餵哺牛BB，母牛正常情況下會餵哺母乳至三歲的。
- 勿餵牛：牛只應該食草，勿餵人食的食物！
- 帶走垃圾：無痕山林，勿留垃圾在山上，要帶到落山或出城市先丟啊！營友記住記住帶走營釘啊！
- 保護草地：營友離開時請將至少4-5L清水淋於你們紮營的草地上，以滋養草地；勿燒草地，想BBQ請帶爐！
- 收好食物：不要將食物、膠袋、垃圾隨處放，盡量放入營帳內，並拉好雙拉鏈，避免牛牛誤闖吃人類食物。試想假如牛牛每個營帳吃一個膠袋，日復日，牠們真的會死。
- 保護牛牛：如有人想打牛或欺負牛，請提醒香港有法例保護所有動物的169條例，一旦觸犯法例，可被罰款20萬元及監禁3年 。
- 勿亂post牛相：唔好出牛bb相。3歲以上成年牛牛先好出啊！好好保護牛bb，唔想比人知及會捉bb啊！post 相麻煩請遮耳牌，唔好標籤亦唔好明星化佢哋啊！為的都是要保護牛牛啊！
互助互愛 : 當大家到郊外時，盡量互相傳授「護牛9式」。
燒草犯法㗎下！為何邊享受邊破壞？
沙漠化現象，原來塔門在2015年時是綠悠悠一片！但近年因遊客巳招出負荷，地上沒草了，跪求各位如可以盡量不要再在營地以外的地方扎營好嗎？因我哋人類才是動物/環境生態的敵人。
小編做完一日塔門牛義工，深明係體力勞動，又車又船又行山，感謝所有牛義工默默付出幫牛牛。
小編跪求大家享受大自然的同時，也要好好愛惜。有D嘢冇左就係冇左，唔好等冇左先去努力，你懂的！
草地沙漠化嚴重！上去睇點保護草草！
謝謝牛義工 SY Catson，提供以上資料，又帶我地去了解塔門牛牛苦況，更教識我地如何護牛，所以想同大家分享，一起護牛！如果你都想幫牛牛可以PM Catson呀！
Before n After 草地＞沙漠