（獨媒報導）政府於下午六時突然宣布，佐敦「受限區域」內已配戴手環和取得陰性報告的市民可以即時離開處所，在指定的地點進出。有居民即落樓排隊離開，並向《獨媒》記者抱怨「政府派嗰啲嘢都唔係人食嘅」、「唔識煮又無煲點煮飯？」，稱兩日來只吃蛋糕果腹；亦有劏房戶稱住所沒有煮食工具，無法下廚，「既然政府都話自己準備時間充足，咁點解連個飯盒都準備唔到？」
不願上鏡的曾伯
七旬翁兩天僅靠蛋糕果腹：「唔識煮又無煲點煮飯？」
政府宣佈「解封」後15分鐘，已有居民到指定的上海街與甘肅街交界出口等待離開。現年71歲、已退休的曾伯稱，自己在得知解封後立即下樓，目前最想立即買外賣回家。他解釋，自己不懂煮飯，家中亦無廚具，即使獲得民政派發的物資亦「得物無所用」，故這兩天只吃了蛋糕果腹，抱怨：「政府派嗰啲嘢都唔係人食嘅。」他又稱，手上的香煙已在兩日內吸盡，希望外出買煙吸一口「自由的空氣」。
曾伯在訪問期間，突然請求記者幫他檢查電話內政府傳給他的短訊，他稱想知道自己有否受感染，「幾廿歲人邊識用呢嘅嘢（電話），前面啲警察又叫我俾佢睇先出得去」，在記者協助下，曾伯終確認檢測結果為陰性後，並順利離開。
Joe
劏房戶：檢測手法存漏洞 有工作人員派錯豬肉罐頭予穆斯林人
從事散工的Joe是區內的劏房戶之一，他指幸好只被封禁兩天，不會太難受，「如果兩日都咁難捱，真係唔明14日強制隔離點捱」。不過，他斥政府安排混亂，指不少需強制檢測的大廈在樓下兩側已設流動檢測站，但今次「受限區域」內的居民需集中於同一位置等候結果，質疑此做法會令病毒更容易傳播。他又表示，工作人員在檢測過程中只登記姓名及電話，存在很大的防疫漏洞：「又無登記埋係邊屋邊戶，住劏房嘅去測，邊個知佢住邊？」
膳食方面，Joe表示自己在第一天早上七時左右進行檢測後，只獲發一個杯麵。直至早上九時，他才從鄰居口中得知有其他物資，包括罐頭及乾糧。Joe最終沒有拿取罐頭等食材，指自己租住的劏房內沒有煮食工具，「其實住得劏房嘅有幾多個人會自己煮，咪唯有呢兩日都食杯麵囉，仲可以點」。他質疑，政府官員口頭上說有充裕時間準備封區，卻沒有為居民好好安排膳食：「基本上我覺得政府無當過我哋係人，由要啲居民淨食杯麵、即食麵，到啲工作人員派錯豬肉罐頭俾穆斯林嘅人，都知佢哋只係想做個樣俾人睇。」
珍姐
家庭主婦稱只獲發杯麵 質疑政府不派飯盒
現年54歲的家庭主婦珍姐則稱，自己兩日來只獲發杯麵，並獲發無其他食材，「吓，蛋糕？無喎，罐頭都無呀，呢兩日淨係靠杯麵維生咋！」她批評政府的安排不夠全面，指家中完全沒有其他食材及調味料，故難以煮食，質疑政府為何不派飯盒解決居民需要。珍姐愈說愈激動，更表示要快點出區找朋友拿食物，及購買日用品。