圖：左邊7位有線新聞中國組成員正在招手，著鏡頭外的前中國組成員們一同拍大合照；右邊3人則忙著與不在港的中國組同事視像通話，好讓她能隔著屏幕參與大合照。
（獨媒報導）有線新聞部早前裁員40人，引發多名部門主管及記者辭職，中國組更全組總辭。昨日是2020年最後一天，亦是有線新聞中國組最後的上班日。中國組最後一集節目於晚上10時結束，多名前員工到有線大樓外「接放工」，包括被裁的採訪主任黃麗萍、前中國組首席記者呂秉權、前中國組記者林建誠等。
有線新聞中國組歷代成員大合照。
天氣寒冷，但無減眾人熱情，節目未完已早早到場等待。不少人一邊用手機看著Facebook Page「中國組同學會」的直播，一邊緊盯著大門口，直至中國組成員的身影在玻璃門後出現，即大叫「嚟啦嚟啦！ready啦！」並紛紛舉起相機。
不少人一邊等待，一邊用手機看著Facebook Page「中國組同學會」的直播。
有人上前拍肩相擁，亦有人送上禮物，包括一幅前有線體育評述員潘源良的題字橫軸「寧化飛灰，不作浮塵」。中國組主管司徒元手持橫軸，與全組記者拍攝合照後，道出last day感言：
「今日終於順利完成有線中國組節目嘅最後一集。雖然覺得可惜，但我哋覺得有線中國組嘅精神係會不死，我相信將來有機會⋯⋯我希望將來有機會浴火重生。
我哋嘅節目一路以來，得到好多香港市民嘅認同，得到佢哋嘅支持，得到佢哋嘅愛。我哋覺得，我哋節目所報導嘅新聞係可以反映好多人嘅心聲，發掘到真相。無論啲同事去到咩崗位，我希望佢哋都可以保持到呢種精神，將呢種精神發揚光大。
係一個完滿嘅結束嚟嘅，我覺得。我哋係堅守崗位到最後一刻，我相信今晚嘅節目唔會令人失望。我之前都講過一次，時勢艱難當然係對香港新聞界嘅一個考驗，但時勢艱難都係一個好嘅新聞場所。時勢越艱難，越需要新聞界幫助弱勢嘅人發出聲音，保持公義之心。所以我覺得，即使時勢艱難，都唔應該退縮。」
