1）當年反對清拆皇后碼頭運動後
政府做左一次全港survey
搵晒啲有potential評級的歷史建築出來
最尾搵左1444幢出黎
但原來當年的survey並沒有涵蓋「地底建築」（原因不明）
所以水務署呢個主教山「減壓缸」並不在清單內
冇放入去1444個清單的後果是
政府做工程前唔會做「文物影響評估」
因此呢個項目在上深水埗區議會時並無提及歷史價值
而由於整個拆卸工程開支少於3000萬（編按：納入基本工程儲備基金整筆過撥款）
在立法會財委會中不需要立項審議
變相又少了一個機會發現問題
2）依目前輿論之熱烈
主教山「減壓缸」可以保留的機會很大
畢竟政府本身在主教山沒有發展計劃
又不涉及私人物業
但香港歷史建築保育的核心矛盾
即是否以公權力限制更多歷史建築的私人業權拆卸物業
10幾年來依然毫無寸進
未來也不指望會有
3）但是，保留及活化主教山「減壓缸」
肯定是另一個危機的開始
主教山的生命力在於DIY的庶民空間
而結合殖民管治+中共極權管治術的香港政府
最擅長就係消滅庶民空間
如果高官諗住將「減壓缸」視為政績工程
放大錢入去「活化」
除了搞個缸，又點忍到手唔搞埋成個山
一搞個山，又點忍受到嗰啲土炮乒乓波枱和健身單雙槓