（獨媒報導） 武漢肺炎爆發第四波疫情，政府昨日晚上6時後再禁止食肆堂食，只准外賣，直至12月23日。位於銅鑼灣登龍街的「十下火鍋」經理羅小姐表示，為求餐廳穩定，儘管估計每晚只有大約六張外賣訂單，也會做晚市。她無奈稱「唔咁做嘅話（收入）係0蚊」。也有市民表示聖誕節「會選擇返工囉！因為都無得出去食！」
火鍋店經理嘆：外賣運輸成本高
今年七月武漢肺炎爆發第三波疫情期間，從7月15日至8月28日曾禁晚市堂食36日。今次再次禁晚市堂食，約晚上七時，銅鑼灣軒尼詩道及登龍街一帶人潮疏落，有不少餐廳營業時間更改至晚上6時。
位於銅鑼灣登龍街永光中心2樓的「十下火鍋SUPPA」接受外賣訂單，晚上9時截單。店鋪經理羅小姐稱，從二月份疫情較嚴重時，已開始推出外賣火鍋。她指當時晚上可能會有10多張訂單，但估計現時每晚只有大約6張訂單，坦言數量不多，無奈稱「但唔咁做嘅話（收入）係0蚊」，只求能夠穩定地經營。
為了維持餐廳營業穩定，火鍋店接受各區訂單，屯門、馬灣，就算是離島也會送到碼頭。羅小姐指，搞外賣的運輸成本極高，例如一單約900元送到屯門的訂單，運費就需300元。她續稱，九龍、港島的客人不需付運費，偏遠地區則收運費50元。
火鍋店午市有售車仔麵，但羅小姐指在防疫措施下，餐廳同一時間最多只可容納36人，「每碗大約40蚊，加埋其實都唔係好幫補到。」她又指，餐廳是樓上舖，比起地舖人流再少一點。
12月聖誕季節 難以決定應否訂食材
「依家做咩計劃都無乜用，我哋宜家好被動。」她稱九月、十月時，大家到處staycation、遠足，疫情看似漸趨平靜，誰料第四波疫情又來到，「唉......跳舞群組真係太誇張喇......」
12月本是餐廳推出聖誕優惠的時機，「十下火鍋」員工早於11月上旬已在店內擺放聖誕樹、掛起聖誕裝飾，也計劃推出聖誕餐，引入特別食材。不過，現時食肆禁止堂食直至12月23日，羅小姐慨嘆「材料都係要訂貨先有，唔知訂好定唔訂好；訂咗又怕到時繼續禁堂食浪費咗，唔訂又怕到時恢復堂食無得畀客人食。」
市民：聖誕節會選擇返工
市民陳小姐對於禁晚市堂食已經習慣，「上次（七月中）都停咗個零月，後來放寬返都無好熱衷約朋友出街食飯。」她指每天約晚上六時下班，雖然一向習慣外出吃晚餐，但認為外賣價錢較堂食便宜，所以也能接受這改變。
問到聖誕的活動安排，會否因為晚市禁堂食有所改變，陳小姐笑言「有呀！會選擇返工囉！因為都無得出去食！」她指「以前都會諗去邊度食慶祝下嘅，依家唔會喇......」
左起：陳先生、黃小姐、王先生
餐飲業員工晚市無工開
市民黃小姐、陳先生和王先生一同在登龍街「挑選」晚餐。從事餐飲業的王先生，指禁晚市堂食對他最直接的影響就是「無工開」，稱餐廳只做外賣營業額會很少。
三人指一向習慣在外用膳，他們稱外賣後會帶上陳小姐的公司進食，「約咗人但又無得出街食，咁咪借個地方。」
對於聖誕節安排，王先生同指「本身同公司請假，依家咪唔請假囉！因為都出唔到去食飯，費事嘥咗啲假。」黃小姐和陳先生則指沒太大影響，因為一向都會在家中度過。
行政長官林鄭月娥曾指市民未配合政府的防疫措施，稱市民在週末仍繼續上街，故再收緊社交距離措施。黃小姐斥「林鄭戇鳩㗎！」王先生批評，「佢唔用我哋市民嘅角度去睇件事，治標不治本。」