（獨媒報導）武漢肺炎第四波疫情擴散，連續三日新增過百宗確診，食衞局、衞生署及醫院管理局下午舉行聯合記者會，食物及衞生局副局長徐德義被質問局方決定強制檢測與禁足令的準則，他坦言沒有特定僵化標準，並暗示市民未有配合防疫，自發舉行家庭聚會及私人地方活動等高危活動，「邊個政府、邊條法例都未必去到嗰個細節管到」。
在記者會上，徐德義大拋數據，指過去一星期已急增680宗個案，當中623宗屬本地個案，其中213宗源頭不明，「呢啲數字顯示社區好多病毒隱形傳播鏈係未有減少」。他續稱有277宗為無病徵個案，呼籲曾到訪確診地方的市民接受病毒測試。
在病毒測試方面，徐德義指在12月1至7日，醫管局及衞生署共平均每日完成19,800個檢測；市民自行遞交的深喉唾液樣本則有54,200個，
而私家醫生則在12月1至8日共轉介14,640個病人樣本，其中130個為陽性結果。
對於疫情狂爆，徐德義強調「需要時間俾呢啲措施發揮效用」，又暗示市民未有配合抗疫，「但係有啲活動係居民自發㗎嘛，譬如話叫啲親戚朋友返屋企家聚團聚食飯。或者喺私人地方搞大型聚集，長時間逗留、飲食傾計。呢啲全部都係高危活動，邊個政府、邊條法例都未必去到嗰個細節管到」。
幾時強檢？幾時禁足？徐德義：無特定標準
麗晶花園疫情續成記者會上焦點，記者多次質問局方安排強制檢測與「禁足令」的準則，「點解麗晶花園淨係強制檢測，唔做禁足呢？」徐德義坦言沒有「特定僵化嘅方程式」，「有啲同場所有關、有啲同行為有關、有啲同工作有關，好難有單一指標幾時發放檢疫令」。他又指政府發放強制檢疫的決定迅速，居民亦需時適應，「我喺到再鼓勵市民合作，儘快配合政府」。
對於會否向自行撤離的居民施加罰則及追究，徐德義未有正面回應，僅稱「我喺到再勸一次市民為咗自己安全同家人去一去檢疫中心」。