（獨媒報導）武漢肺炎爆發第四波疫情，政府防疫措施故技重施，包括由明日晚上6時後禁止食肆堂食，只准外賣。今晚是措施生效前的「最後的晚餐」，在晚上約6時，灣仔克街及軒尼詩道一帶的食店均未見人龍，大多食肆的顧客不超過10人。 灣仔Bruger Home的老闆對《獨媒》表示，疫情早已令生意額下跌，「6唔6點都係咁」。
防疫措施混亂 食肆老闆：政府可唔可以用下個腦
於灣仔軒尼詩道經營漢堡包店Burger Home的周先生指，政府的防疫政策令市民無所適從，「堂食唔堂食，其實啲人好亂，個個星期都唔同」。他又表示，自今波疫情開始後 ，生意已經下跌了超過一半。他認為，即使於6點後禁堂食亦對生意沒有太大影響，「work from home冇咗一浸，學生唔使返學又冇咗一浸，每日百幾單又冇多浸，6唔6點都係咁」。他又指，在晚市堂食禁令後，「可能都係做返幾個熟客就早收，夜晚冇人到出去嗌救命都冇人睬你」。
疫情持續近一年，他批評政府防疫政策不足，「邊度有事發生就通知人啦，講到自己好犀利架嘛！叫你封關又唔封，但入境嗰啲檢疫又咁hea」。早前政府於全港各個室外地方設置臨時檢測中心，距離漢堡包店僅一街之隔的灣仔軒尼詩道籃球場亦被選中。周先生直斥政府「可唔可以用下個腦」，指籃球場附近的行人路非常狹窄，又有非常多民居， 加上室外地方「 又大塵又大風又大雨」，根本不適合進行檢測。
食客批評政府唔封關
食客、大學一年級生黃同學表示，「自己是學生習慣咗食外賣」，所以認為禁堂食對他來說沒有什麼大影響。然而，他亦指禁令仍有一定程度上的不便， 因有時下課後已是晚上時分，「拎返學校食又唔係，返屋企又唔係」。 他又批評政府沒有從源頭解決疫情問題，認為禁堂食及二人限聚令都不是解決方法，「只係畀你睇好似做咗好多嘢咁」，強調封關及接種疫苗才是正確的防疫策略。
另一食客、任職測量師的陳先生指，自己在疫情期間都有維持晚市堂食的習慣，但因工作關係不時都要加班，禁止堂食後只能選擇買外賣回公司，「選擇少咗啲」。他亦認為政府「冇乜做過」防疫措施， 更指本地新增確診個案曾一度「歸零」，正因為封關問題才引致輸入個案，引起社區傳播。