（獨媒報導）政府早前根據全國人大常委會決定，宣布楊岳橋、郭榮鏗、郭家麒及梁繼昌，即時喪失立法會議員資格，民主派之後以總辭回應。建制派立法會議員下午突然召開記者會，再表明支持人大決定，又批評部份民主派未正式生效離職已缺席會議。工聯會麥美娟對民主派離開議會後充滿信心，指建制派只會更加團結，「我哋用心工作嘅場面終於可以俾大家睇到」。
建制派拉隊開記招 財會都要停
記者會未有發出採訪通知，引起多名記者批評。原定下午3時召開的財委會甫開始便要暫停會議「讓路」，在約15分鐘後才恢復會議。建制派召集人廖長江發表聲明前向在場記者表示：「要同大家道歉，今日安排比較倉卒，辛苦大家。」
廖長江
廖長江重申支持人大決定取消4名立法會議員資格，強調「有權必有責」，又批評民主派進入建制反建制，空有抱負，令香港寸步難行。他諷刺民主派在關鍵的一年，更應留守議會「做忠誠反對派」為選民發聲。他之後又「糾正」記者，指民主派沒有總辭，「陳沛然同鄭松泰仲喺到㗎，佢哋唔係建制派成員嚟」。
麥美娟：我哋用心工作嘅場面終於可以俾大家睇到
新民黨葉劉淑儀表示請辭的民主派議員生效日子各有不同，大部份於12月1日才生效，強調辭職未生效的議員應盡責任，「唔好出糧唔做嘢囉」。自由黨鍾國斌則指政府只是取消只4名議員的資格，批評其他民主派議員匆匆借勢總辭，「唔知佢哋點同幾十萬市民交代」。
葉劉淑儀
工聯會麥美娟稱「我都唔知叫唔叫佢哋議員好」，斥民主派以總辭要脅中央，「呢班人無底線對抗中央」。她指民主派當初接受留任即等如同意人大的決定，批評民主派辭職是一場鬧劇。她又對民主派離開議會後充滿信心，指建制派只會更加團結，「我哋用心工作嘅場面終於可以俾大家睇到」。
石禮謙
李慧琼點名石禮謙澄清附屬法例小組委員會流會
今早召開的《2020年陸軍義勇軍及海軍義勇軍恩恤金條例（修訂附表）令》小組委員會會議因法定人數不足而流會，該委員會共有10人，建制派只有經民聯石禮謙一人加入，其餘均為民主派議員。民建聯李慧琼將流會責任在於民主派總辭，指對方在任時不斷成立附屬法例小組委會，但現時卻突然離職。她又點名石禮謙「澄清」早上的流會情況，「你講講呀，好多人誤會咗」。
石禮謙解釋，自己早已預料流會，並指附屬法例小組委員會「一向係唔需要開會」，埋怨民主派不斷成立委員會拉布。他又表示只有他一名建制派加入小組委員會，目的在於監察民主派，「令到佢哋唔好搞亂啲附屬法例，我一個已經可以搞掂晒，唔洗勞煩我啲兄弟姊妹」。