（獨媒報導）特區政府按人大常委「決定」，取消公民黨楊岳橋、郭榮鏗、郭家麒，以及梁繼昌四名立法會議員資格後舉行記者會，民主派隨即宣佈將會總辭。港區全國人大代表下午舉行記者會，評論人大常委對立法會議員資格問題的決定。基本法委員會副主任譚惠珠「自行解釋」人大決定的意思，又「教法院做嘢」，指不應接受相關司法覆核：「咪由佢哋去做，睇下結果係點，依家無謂猜測啦。」
記者會有逾10人大代表出席，包括譚耀宗、工聯會會長吳秋北、基本法委員會副主任譚惠珠、鄺美雲、陳曼琪及顏寶玲。
全國人大常委譚耀宗甫開始便照稿讀，復述人大常委會議的「決定」，「今後都好清楚㗎啦」。他強調「依法認定」背後已有法理基礎，立法會議員亦是公職人員，有嚴格的要求，「我自己同在座各位都好支持呢個決定」。
譚惠珠「教法院做嘢」：唔應該受理JR
基本法委員會副主任譚惠珠之後「自行解釋」人大常委決定，「呢個只係我個人睇法」。她認為人大為香港事務作出決定並不是新鮮事，包括回歸前成立臨時立法會、一地兩檢及延任現屆立法會一年，「人大作決定係行使常設機關權力解決問題」。她又「教法院做嘢」，強調人大決定不屬香港司法管核權範圍，「JR（司法覆核）係唔應該受理」、「行政長官係應該勝訴」。
她又向四人「下戰書」，指對方可以提出司法覆核，「但相信機會係低，或者係無」，「咪由佢哋去做，睇下結果係點，依家無謂猜測啦」。
譚惠珠之後又表示，香港法院對效忠及擁護《基本法》已有清楚定義，包括支持、推廣、信服及避免參加損害中國主權的活動，「如果你叫外國人嚟制裁香港，係唔可以做」。至於政府依據人大決定而DQ議員的法理依據，譚惠珠強調DQ並非基於選舉主任的決定，而是人大基於選舉主任的證據所作出的「決定」，「係因為有人勾結外國勢力干預香港內部」。
諷民主派總辭應改稱鬧辭
譚惠珠之後又解釋人大常委的決定中「依法認定」的意思，並指立法會議員喪失資格共有4個情況，包括被選舉主任取消參選資格、違反宣誓內容、經三份二立法會議員通過彈劾及觸犯《港區國安法》。她強調現時是特殊情況，「我哋寫《基本法》個時冇諗過有延任，所以係史無前例，要勞動人大」。對於民主派發動總辭，譚惠珠則稱人大決定中「冇提過拉布同立法會唔可以有反對聲音」，強調應「一人做事一人當」，「我睇唔到法理牽連其他人」」
工聯會吳秋北則讚揚人大決定是「劃清底線」。他批評民主派在立法會拉布是搗亂會議，又斥民主派總辭是鬧劇、背離市民，反映他們對抗中央，拒絕愛國。
對於參與總辭的民主派議員是否仍何參選下屆立法會選舉。譚耀忠則諷刺稱道：「15個人點會係總辭？70個人先叫『總』，叫鬧辭會準確啲。」他指15人要考慮如何再令選舉主任信服，「我唔知（民主派）到時點樣令選舉主任信服效忠中華人民共和國特別行政區，我都好懷疑」。