（獨媒報導）元朗橫洲第一期公屋發展計劃收地期限已過，地政總署今早再派員到所涉的3條非原居民村，即永寧村、鳳池村、楊屋新村，執行收地程序，並開始截斷水電。有在橫洲出生的村民向地政要求延遲停水電，指自己已一直執拾物品，惟新居比現址小很多，難短時間搬完，年邁父親更因連日搬遷「差啲整親」。地政最終僅同意延遲兩個星期收屋，村民情緒激動一度落淚：「我喺度出世，我真係對呢度有感情」。
地政總署今日再派員到橫洲收地，9時開始已有保安以人鏈及水馬封鎖楊屋新村村口，阻記者入內拍攝斷水電過程，又有便衣警察要求現場記者出示記者證和身分證，及以安全為由拒市民在場拍攝。逾20名地政及工程人員隨後到各村民家中交涉及截停水電。
永寧村鄭女士
土生土長村民落淚望延遲斷水電：我真係對呢度有感情
地政人員下午欲進入永寧村鄭女士的家收地，元朗區區議員區國權嘗試協調，着地政人員先聯絡鄭女士才讓他們入內。有地政人員表示「淨係望一望」，區國權問「係咪就係咁先？」地政即回應：「我哋做乜嘢唔需要同你交待」，強行越過區國權，更一度發生肢體碰撞。
元朗區區議員區國權嘗試協調，地政強行越過他，更一度發生肢體碰撞
在永寧村出生的鄭女士向地政表示，希望有更多時間寬限，「全部村民走哂我先走」，年尾才搬。惟地政拒絕，多番表示「條村已經收哂，真係要開工啦，唔cut水電啲工人會有危險」，僅同意延遲兩個星期。鄭女士說，「我喺度出世，我真係對呢度有感情，你叫我搬點搬呢？」地政即質疑「咁你又話你搬緊？」
鄭女士情緒激動，稱獲安置的單位比現時住所小很多，難短時間內搬完：「我執嘢都要返工㗎，我已經請咗好多假」，其父親甚至因連續數星期搬家而差點受傷，「我真係好大壓力、你催命符咁催」，說罷一度落淚。有聲援人士在旁大喊「知唔知兩個禮拜人哋幾大壓力啊！」、「人地屋企嚟㗎，有冇咁涼薄啊！」地政終收隊離去，預計兩星期後再來收地。鄭女士最後對記者說，「我唔係唔交畀佢，只係想年尾」，「我只係想留到最後一刻先走」。
張氏夫婦
處處停電村民搬遷時遭爆竊 地政拒派保安巡邏
在楊屋新村，已執拾逾月的張氏夫婦向地政表示，因家當甚多，需時搬遷，希望延遲兩個星期才斷水電，及要求地政提供員工協助搬運家當。張生又說，村內多處已停電，近來數度遭爆竊，希望地政提供保安巡邏保護其財產，讓他能安心搬遷。
張氏夫婦後草擬三點要求
張氏夫婦後草擬三點要求，惟地政僅同意繼續提供水電兩星期，至於提供10名員工協助搬運，及派保安巡邏的要求則未能答應。
朱凱廸
在現場協助及監察的立法會議員朱凱廸高呼：「而家係有人偷嘢爆門、係人身安全問題啊！如果唔安全點樣可以繼續留喺度執野啊？」惟地政僅稱如擔心失竊及人身安全可找警察求助。
上樓後晚晚返橫洲睡 村民無奈稱大局已定：政府收地有邊次唔成功？
在鳳池村，住了50多年、兩年前已上樓的「姑姐」，今早已遭地政入屋斷水電，並獲延遲一星期至下周五才須執拾所有物品離開。姑姐說，上樓兩年來只在該處睡了3晚，其餘晚晚都回橫洲睡，因為覺得上樓環境「困住」、「瞓唔慣」，喜歡橫洲的環境及街坊，「始終呢度（橫洲）一日未扑爛哂，我都係唔捨得走」。
姑姐說，5年前第一次得知橫洲要發展感到詫異，隨後多年地政來交涉、多次聲稱「最後通碟」收地，她「已經冇乜感覺」，因為知道大局已定，「政府收地有邊次唔成功？」姑姐的家人多年前租住此地，惟數年前業主暗地更改合約內容，令姑姐一家無法取得任何收地賠償。今日斷水電後，因無法再在此洗澡和睡覺，姑姐入夜前就會離開，但之後會再回來收拾。
橫洲三村在2015年10月在無諮詢情況下突宣佈發展，因原居民丁屋和山墳不在發展範圍而被質疑偏袒鄉紳。今年3月，立法會財委會通過元朗橫洲第一期公屋發展的前期工程撥款，政府並展開收地程序。地政總署7月中貼出告示，要求村民7月29日前離開，但有少數村民因未獲安置或需時執拾物品而留守。現時3條村大部分居民已搬走，少數獲寬限一至兩星期作最後執拾，預計今年底所有寮屋都會正式收回及清拆，成為地盤工地。
