（獨媒報導）14名九龍城民主派區議員前日聯署去信區議會主席蕭亮聲，要求刪去警務處處長鄧炳強明日到訪的議程，認為容許其出席是「一場低級、自說自話、充滿偽善與謊言的政治板戲」。蕭亮聲今日修訂議程，拒絕鄧炳強出席。鄧炳強下午特地在警察總部見記者，斥做法不合理，「係咪好擔憂我嘅正義？係咪好擔憂我嘅真說話呢？係咪好擔憂佢哋嘅謊話會被我道破呢？」
鄧炳強稱，如果民主派擔心會議為「低級、自說自話、充滿偽善與謊言的政治板戲」，便更應讓自己出席，和在議會上用證據證明其做出對方所說的行為，「係咪呢班區議員擔憂被人睇到低級、自說自話、偽善同講大話嘅係佢哋呢？」
鄧炳強認為民主派的做法無理，表示區議會是公平、透明和「電視全部直播」，「公眾人士可以睇哂成個會議，決定邊個係低級，係講大話，係偽善。」
鄧炳強稱每次都講事實、不亢不卑
鄧炳強上月曾出席油尖旺區議會，會上遭多名民主派議員狙擊。他表示自己有問必答，但認為「可能答案唔係佢哋想聽，佢聽咗真話會好唔舒服，或者市民聽到會擔心對佢哋不利」。他更稱，每次都是講事實和不亢不卑，斥有人在會議上狂嗌、打斷發言和出現低級粗口，「呢啲通通都唔係我，係區議員。」
鄧炳強更斥，「佢哋有14個人，我一個人，你驚咩呢？除非你係理虧唔係真話。」他表示，區內市民會對議員拒絕自己感到失望，「竟然要收埋自己，亦有負市民所託，連同我對話嘅勇氣都無。既然對方懼怕，我都唔會迫佢哋。」