（獨媒報導）13名元朗新樓盤「山水盈」油漆工人，遭拖欠至少過百萬元。他們今早8時半到「山水盈」地盤抗議，高呼「山水盈、閂水喉」。期間總承建商「Buildking」的保安到場要求工人離開，又稱會報警處理。工人組封鎖線，阻止紅Van進入樓盤，「還咗錢先入得！」經商討後，工人決定留守至獲發工資為止。
運志噴漆由5月拖糧至今 有工人被拖逾十萬元
十多位油漆工人自5月起受僱於運志（噴漆）工程有限公司，於元朗山水盈新樓盤工作。惟運志由5月拖糧至今，有部份工人更被拖欠逾十萬元。
職工盟建築地盤職工總會幹事王宇來稱，得悉總承建商「Buildking」與運志發生合約糾紛，疑因而不斷拖糧。他指，總承建商「Buildking」曾到訪勞工處，勞工處亦向其解釋作為總承建商須代償工資予員工。
Buildking職員情緒激動，稱要報警處理。
Buildking 職員情緒激動 工人攔紅Van抗議
工人於元朗「山水盈」抗議期間，多名「Buildking」安全部員工從樓盤走出，要求工人離開。當有山水盈紅色小巴駛入時，又要求工人讓路。有工人不滿，高呼「出咗糧先畀入」。
一名「Buildking」職員情緒激動，呼喝問道「你哋係咪真係工人嚟㗎？」、「再唔走就報警」。擾攘多時，「Buildking」員工徐先生到場「勸交」，指「我哋幫緊你啦」，「大家勞氣冇意思。」有工人則不滿指，「拖咗咁多個月，點唔勞氣？」
徐先生
公司互扯貓尾 工人：市道差先冇得揀
入行超過廿年，李生自03年起再未遇上欠薪事件。他認為因市道差，即使被拖糧，工人亦別無選擇，只能留下，「唔係話出面即刻搵到工。」
入行12年的張生指，運志油漆的工頭不斷拖延出糧日期，總承建商Buildking又推搪要運志先付工資，「其實兩邊都扯貓尾，我哋一直講個信字」。他與其他工人曾向勞工處求助，惟得到的回應緩慢，「好似冇咩力咁。」
總承建商「Buildking」職員安排與工人對數，又要求工人與公司到勞工處對數。工人經商討後則決定留守，直至收到工資為止。
（左起）張生、李生