日前（10月8日）民建聯深水埗區議員劉佩玉要求西九龍中心下架外牆六幅由本地漫畫插畫家林祥焜作品，印有少女和標語的宣傳海報，稱海報意識不良，令人感到不安和尷尬。林祥焜與西九龍中心已合作多年，約10年前曾任職西九龍中心租務主任的民建聯立法會議員鄭泳舜指，劉佩玉作為當區區議員，有責任反映家長意見，認為相關海報「係過分性感咗」、「小朋友係唔適合睇囉！」
林祥焜就西九龍中心的宣傳作品已存在多年，除了中心外的大型海報外，亦有不少巴士車身廣告。約10年前曾任職西九龍中心租務主任的鄭泳舜稱，過去都收到不少家長投訴指海報裸露部分過多。他表示「其實藝術同（裸露）都係一線（之差）架啫！因為佢嗰個海報位呢，係好大架，所以好多時經過嗰條天橋，好多小朋友呀長者都同我地講。」
至於他是否認為相關海報裸露，「我覺得呢都係比較......等我諗下用咩字先......我諗啲小朋友係會擔心，我覺得小朋友係唔適合睇囉！」他又強調相關海報是「過分性感」，「因為始終都係好性感，我覺得係過分性感咗，即係，裸唔裸露入面，我覺得係過分性感咗，令到我地啲家長係有擔心囉。」
鄭泳舜稱自己大約10年前任職西九龍中心租務主任，也曾是深水埗區議員，「其實我都有反映過，我當時都有講過有提過，我話呢啲相唔係幾理想。」
問到當時是否有類似風格的海報，他最初說「嗰段時間呢，都斷斷續續有，但嗰時就無咁多」，後來又說「當時出面嗰個位就無做到，佢（西九龍中心）嗰時係無整呢啲海報」。
他表示自己當時並不是負責該廣告欄位的部門，「我都明白可能marketing佢地覺得咁樣會靚啲、吸引啲，但係我就覺得要攞個平衡囉，我當時已經提出咗，我自己覺得要攞個平衡。」
