（獨媒特約報導）九龍塘宣道小學有教師被指有計劃地製作教材散播港獨信息，遭教育局取消教師註冊。民建聯立法會議員葛珮帆繼專訪警務處處長鄧炳強後，今午再次「記者上身」與前行政長官梁振英進行一小時直播對談。梁振英先後向教育局、教師及宣道小學「開火」，促請公開被除牌教師身份，更形容為必須被隔離的「超級帶菌者」，「呢啲老師正如社會上黃嘅隱樣，佢好堅持㗎，佢好堅持㗎。你係咪警告咗、譴責咗，佢就唔會喺課室繼續荼毒學生？我估唔會。」
斥失德教師是超級帶菌者
梁振英在10月3日起已於 Facebook 專頁連發26個帖文狙擊教協、教育局及九龍塘宣道小學。他認為學生不懂辨別知識，需要靠家長保護，又指家長在疫情下才有機會了解子女平日課堂內容才揭發事件，否則「呢啲老師會繼續教落去」。他續指「針對嘅害群之馬老師只不過係少數」，要求教育局公開除牌及被警告的老師資料，以免學校及現職老師蒙受不白之冤，「有一個教師破天荒被除牌，茫茫人海中竟然無名無姓」。
梁振英又強調，事件不是一般個人失德問題，而是牽涉政治立場，「呢啲老師正如社會上黃嘅隱樣，佢好堅持㗎，佢好堅持㗎。你係咪警告咗、譴責咗，佢就唔會喺課室繼續荼毒學生？我估唔會。」他更形容部份教師是「超級帶菌者」，必須被隔離。
促教育局以非常手段公開教師身份
他之後轉向教育局「開火」，指有1400個名18歲以下人士在反送中運動中被捕，即平均每間中學有3人被捕，認為現時已不是太平盛世，「非常時期必須要用非常手段」，「好明顯唔能夠用以前做法，教育局嗰程序要改」，促局方公佈除牌教師名稱，否則將會以「803基金」名義向法庭提出訴訟。他又促請宣道小學及家長教師會公開除牌老師姓名，否則亦有可能要「吃官司」。
梁振英：學校冇得政治中立
對於宣道小學昨日在聲明上稱「盡力確保校園保持政治中立」，梁振英亦反駁指：「喺香港是否中國不可分離一部份呢個問題上，係冇得政治中立。」他更建議宣道小學每日舉行升旗禮，「我俾個條件，唔該你朝朝舉行升旗禮，升嘅係五星紅旗」。葛珮帆亦隨即咐和「其實都應有咁嘅要求呀」。
梁振英亦不認同所有內容均可在校園內討論，強調言論自由是有底線，表明「港獨無得討論」，「可唔可以喺教會學校公開討論無神？唔得㗎嘛。」他又「振振有詞」稱，「爸爸吸煙直斥其非，據理力爭、言論自由！或者我阿媽鍾意賭馬嘅，直斥其非。我哋家長想唔想見到呢啲嘢？喺學校裡面討論呢啲問題？細路仔點樣行使言論自由、獨立思考，對父母唔同意行為直斥其非，好唔好呀？直斥其非之後離家出走，得唔得呢？呢啲係廢話嚟㗎嘛！」