（獨媒特約報導）南區區議員袁嘉蔚今日（9月10日）出席區議會會議時，發現逸港居的大樓前有不明人士跟蹤及守住區議會出入口。其後，西區警區警民關係主任余剛於區議會會議上承認該批人士為便衣警員，稱他們正進行「反罪惡巡邏」。袁嘉蔚質疑「點解會喺區議會巡邏，係咪覺得區議員就係罪犯？」她批評警方做法不但散播白色恐怖，亦阻礙議員工作。
多名可疑男子徘徊區議會 警辯稱便衣警進行巡邏
袁嘉蔚憶述今日下午第一次見到區議會樓下會停泊警車，樓下亦有男子尾隨她進入大樓。袁嘉蔚再次下樓後發現該名男子仍然在場，並「喺到唔知記錄緊啲咩咁」，而對面馬路有另一男子在拍攝及監察，袁返回區議會樓層後第三度發現可疑男子在後門徘徊。
民政專員鄭港涌
袁嘉蔚表示對行徑感到不安及擔心，「 佢係警察、國安、定係記者呢？究竟佢哋係咩人？」她該於會上向民政專員鄭港涌及警方代表查詢有否相關安排，鄭否認有安排警力。
南區區議會主席、民主黨羅建熙稍後再次追問，西區警區警民關係主任余剛表示經了解後，確認該批人士是在附近進行「反罪惡巡邏」的便衣警員，並已經提醒他們接觸市民時需出示委任證。
袁嘉蔚質疑：點解要喺區議會附近做反罪惡巡邏？
袁嘉蔚對警方說法感到奇怪，質疑為甚麼警方要安排便衣警在區議會大樓門外及會議室後門駐守，並持續地拍攝及監察：「係咪覺得區議員就係罪犯， 要擺啲便衣喺到守住？」她續指，未來警方可能開始到區議員工作場所監察，直斥「除咗係白色恐怖之餘，亦都妨礙我哋嘅工作。」
袁嘉蔚坦言「無啦啦見到咁多人喺到影相、思思縮縮，都會覺得擔心」。袁亦透露近期與黃之鋒外出時會發現有人跟蹤，被問到將來如何保障自己人生安全，袁嘉蔚亦慨嘆「冇㗎。見步行步，有咩唔舒服嘅咪同大家講，好似今日咁」。