（獨媒特約報導）解放軍駐港部隊直升機駐守在石崗軍營，多年來其飛行訓練引致的噪音滋擾，影響元朗東、八鄉及錦田一帶居民。元朗區議會在昨日（9月1日）討論，要求更改飛行路線，減低對居民影響。
選區包括元朗東東頭的元朗區議員、民主黨林廷衞指，解放軍直升機低飛影響逾2,000伙人，「啲街坊喺屋入面，俾佢發發發發發到個心仔都噗噗跳，佢哋就打電話俾我問發生咩事，係咪打到嚟。」他批評民航處的書面回覆完全無提及如何測量解放軍直升機的飛行高度是否合規例。「佢有補充話嗰啲訓練人員唔使跟呢啲規例嘅，佢鍾意點飛都得，飄移咁飛都得嘅。」他又擔心今年3月曾有直升機意外，但保安局及駐軍從未向公眾交代。
元朗區議員（錦田）李頌慈指解放軍直升機，每日朝10晚8頻繁地來回於錦田上空，「最多見過5架直升機返石崗軍營」，又指五部直升機飛行距離接近，擔心意外發生。元朗區議員杜嘉倫表示曾去信駐軍司令，但並無回音。他指直升機噪音是民生事，「有人睇樓見到直升機即刻唔買。」元朗區議員康展華指大生圍亦持續受低飛噪音困擾，「好似地震咁 」，但政府部門未有正視「回覆同兩年前的答覆，99%嘅字係一樣。」
元朗區議會主席黃偉賢表示，自回歸後元朗便出現解放軍直升機噪音問題，「好多家長話細路仔連溫書都溫唔到」。他指曾去信予上一任駐港司令員劉少將，當時一星期便獲回覆。他引述劉少將稱解放軍訓練不能停止，但有接納意見將路線改往郊區和山頭。當時元朗居民有讚賞駐軍從善如流，但今日去信給現任司令就石沉大海。他希望民政處將意見轉達保安局，轉告駐軍。
民政事務專員袁嘉諾表示會徵詢各部門意見，將問題轉達環保署，會議記錄內容亦會轉達保安局。