（獨媒特約報導）「晚市禁堂食令」實行超過一個月，昨日終於放寬規例。在食肆林立的旺角通菜街，不少「黃店」外均現人龍，惟由於入座人數太多，店員只能向排隊食客道歉：「唔好意思呀，冇位啦，9點要停做唔切」。有串燒店老闆稱讚食客合作，完膳後很快便離開，但慨嘆放寬至9時的幫助不大，因不少熟客以前雖會特意來吃宵夜，但現時「放得工過嚟都過咗9點」。被問到政府可如何協助小店，她拋下一句：「哈，成個政府換咗佢咪得」。
原只做晚巿 禁堂食致生意大跌三分之二 老闆促全面放寬
政府於週三（25日）宣布，週五（28日）起開始恢復晚市堂食直至晚上9時，惟食肆需維持感染控制措施，包括兩人一枱、桌子之間最少有1.5米距離或有效的隔板及顧客數目不得超過該處所通常座位數目的一半。
串燒店「一燒窰」負責人梁小姐表示，今晚是近月首次出現人龍，食客亦很合作，完膳後很快便離開，讓店外排隊的顧客能盡快入座。她期望政府盡快全面放寬晚巿堂食，「既然佢開得堂食，9點定係去到12點都冇咩分別，我地都做足防疫措施」。她表示店鋪一直有為顧客提供搓手液及量度溫度，亦已轉用即棄餐具確保衛生。
梁小姐坦言為串燒店的財政狀況著急。她指，店舖一直靠晚上6時至12時的晚巿維生，惟7月起的「禁晚巿堂食令」直擊店舖要害，令生意額大跌三分之二，「下午都冇咩生意做，燈油火蠟都要錢」。梁小姐亦指，即使現在放寬至晚上9時，亦沒有太大幫助，因不少熟客均於較遠地區於上班，以前雖會於放工後特意來吃宵夜，「但而家都直情唔見晒，放得工過嚟都過咗9點」。
她表示，幸獲員工及業主體諒，才能捱到現在，預計能捱多2至3個月：「員工都肯酌量減少少人工，伙食又食平啲，業主又肯減約一成租」。惟梁小姐指「遠水不能救近火」，僅靠員工及業主體諒並非長遠辦法。被問到政府可如何協助小店，她僅拋下一句「哈，成個政府換左佢咪得」。
餐廳老闆批政府斬腳趾避沙蟲：拒封關犧牲食肆
「開餐Dine In」老闆Eddie亦指，昨日首放寬晚市堂食，店舖即見人龍，「排隊大概要等7至8張枱，（生意）好咗啲」，但人流仍稍遜於限堂食令前。
Eddie認為，「禁晚市堂食令」雖有效防疫，但不滿政府拒絕封關、犧牲食肆，「根本都冇意思，你又唔封關，你望吓台灣，人哋做得好做足封關同戴口罩」。他形容政府思維是「斬腳趾避沙蟲」，「你係咁放人入嚟，你肯封關先，我咪配合你 」。
Eddie
他稱禁晚巿堂食期間生意額同樣大跌，業主只減租約5%，「但有幸有黃圈、手足及員工幫手」，「啲員工大家手足嚟，肯Cut鐘，俾我留住成班人喺度，唔使炒人」。語畢，員工在廚房裏忘我的唱陳奕迅的《無條件》，Eddie即滿心掛起微笑。
食客憂全職打工仔須OT 未能受惠晚巿放寬
於晚上9時「死線」前20分鐘才入店用膳的陳先生表示，政府雖放寬「禁堂食令」，他也不會立刻約三五知己吃晚飯，會保持危機意識，「個政府防疫工作都做得唔夠好，俾啲病毒走入嚟，點放心」。尚在讀書的他擔心，即使晚市放寬至9時，亦有一班全職打工仔須「OT」，未能因禁令放寬而受惠。
（左）陳先生