自開始左一個月Podcast節目以來，已經有2-3個團體／朋友也說有興趣想試開這片相對上的no-man land。除了技術同操作經驗，都想深入同大家分享下成套今時今日香港做Podcast既諗法。
其實早在反修例運動已經同友人構想要做用聲導航既Podcast，我亦知我地既研究本身都會有影像優勢，年輕既研究員都有顏值優勢，都係選擇一種單聲道，唔係純粹追求好似30年前聽錄音帶想像現實既復古感，同時係大家已經足分經歷在每日影像資訊戰爭時代，學習將現發生影像記憶馬賽克化的去馬賽克化，尋找一種更單調更立體處境的可能。
有點像思想家Malabou幾個月前思考疫症時所講既 "To Quarantine from Quarantine"，或者近日台灣學者譯做「隔離隔離」，能夠將我之前無以名狀的思緒串起。要抵抗不必要隔離，自己都必須對現行隔離日常產生一種必要的隔離，作為一種異議、「講得番野」既先決條例，在內裡填出一片絕對自主的領土（Absolute Land），在加速時代重新掌握屬於自己觀察、說話、看見的節奏與空間。
其實成件事，像極了音樂（the Sound of Silence?），但唔想講太遠，亦未必需要好似Inception中那個自己無法抽離既心靈城堡構造，反而是以閒置自己實踐自己無法閒置/被閒置。所以再簡易啲講，如果要用量化效益同點撃，基本上同youtube、Facebook的效應無法比擬，卻會有無法約化的質，已經看不見太多，說的話彷彿能夠重新被聽見。
所以香港Podcast幾時才會流行？答案是不流才會行。這是一波並非／或許先是對影像飽和的微弱反饋，終必抵達一組一組站穩自己的隔離的隔離的獨立空間，在未必邪惡的演算法及網絡巨企全面數碼圈地之前。