（記者：Natalie 攝影：Natalie）
去年8月24日，大批市民參與觀塘遊行，反對政府於九龍灣一帶安裝智慧燈柱。觀塘區議員鄭景陽重提示威者拉倒燈柱一幕，直言此事令部份街坊如夢初醒，變得警惕及「肉緊」，認為觀塘遊行亦屬「好嘅張力」。他又提議立法會議員與區議會、民間合作，集合力量抗衡政府。
燈柱倒地形同震撼彈 鄭：多咗人關注
觀塘遊行中，示威者將燈柱拉倒「解剖」，發現柱內有「中國製」的藍芽接收器。鄭景陽回想當刻仍然覺得「好震撼」，又指拉倒燈柱後，「留意時事嘅街坊已經傾向相信呢條燈柱係會監控我哋」。他及後向街坊派發RFID（無線射頻辨識）卡套，「街坊會話俾5、6張我，俾我派埋俾屋企人咁樣，甚至連小朋友都話要俾」。他樂見大家的「肉緊」，認為「824」觀塘遊行亦屬「好嘅張力」，逼使政府正視區內市民的不滿。
觀塘區議員鄭景陽
鄭坦言，智慧燈柱推出初期，社會仍未有太大反對聲音，「一開始大家係覺得冇問題㗎，有啲民主派同事都唔反對」。直至去年反送中運動開始，年輕人投入社會議題程度大幅提升，鄭景陽直指「多咗影響自己人身自由，即係到底嘅時候，啲人就好容易群起反抗」。
憂「健康碼」成「前哨」 批政府強加政治落民生
疫情持續7個多月，「健康碼」爭議鬧得沸騰騰。鄭景陽則覺得「健康碼」是智慧燈柱的「前哨」，「究竟香港人接唔接受到有嘢可以識別到你呢，佢就話唔會追蹤，我就唔係好信嘅」，更認為「呢啲野（智慧燈柱的用途及技術）可以加碼」。他認為，智慧燈柱的落成同樣帶有政治目的，「點解要夾硬加個5G，政府就好乞人憎，佢要將民生議題同佢背後嘅政治目的加埋一齊」，故堅持向市民解釋。
質疑部門代表未能釋公眾疑慮 將嚴謹監察推行程序
一年過去，政府仍未答應拆除已安裝的智慧燈柱，僅透過部門代表於觀塘區議會上說明燈柱未有安裝高清鏡頭及追蹤功能，企圖減少公眾批評。同為觀塘區議會房屋、規劃及地政事務委員會主席的鄭景陽批評副政府資訊科技總監黃志光未能在區議會上回答議員提問，「5G供應商、小組委員會跟進嘅成員可唔可以有民意代表、人權組織佢都答唔到我哋」。鄭指，目前仍是以「有傾有講」的態度與政府溝通，而區議會則會就智慧燈柱作民意調查，期望彰顯民意，「我心態係咁嘅，如果香港人自己覺得冇問題，我地代議士仲可以點？」他又表示，無論如何均會「睇住成個程序有冇出錯，用最嚴謹嘅態度去睇」。
倡立會、區會、民間「夾擊」抗政府
觀塘海濱音樂噴泉成為區內爭議，惟政府一直漠視居民反對聲音，強推工程。任職近五年區議員的鄭景陽亦擔心智慧燈柱將「步噴泉後塵」，被政府強制安裝及監測市民。他續表示，要善用每個的平台去跟進議題，又不諱言指現時的立法會議員「冇一個好強嘅民意授權」，故必須結合立法會、區議會、市民三者去「夾擊」以制衡政府。