近日去留之爭燒得熱烈，我在區內都收到不少意見，今日唔知聽日事，作為一粒從政者中的微塵，希望在此簡述立場，我希望有公投或最貼近民主的方式解決。
從政者要面對民意，縱然我閱畢「理性選民的神話」呢本書，但民主暫時係我們手上最好的辦法。尤其在香港沒有健全民主政制，從政者就要各方各面盡量實踐展現民主。
公投重點亦非在結果，與初選同樣，亦是當中過程如何為香港人帶來經驗，亦希望「公投」而令社會上可以有健康的討論，及能夠盡量公正地表達意見的渠道。
我唔否認公投有執行上難度，畢竟一搞可能就犯國安法。
無論我理想中嘅公投能唔能夠發生，有些問題，希望大家陪我一起思考：
1. 去留只是手段，重點是「之後呢」，去留目的是甚麼？
2. 但如果雙方都沒有「之後呢」，從政者是否坦承？目的是未必能達到的「希望」，還是較實際的「期望」？
3. 如果香港一年後沒有選舉，陷入「萬年國會」，是否應該有民主派在內？
4. 如果制度擺明不公，我們與制度的界線應該如何劃？完全杯葛、寸土必爭、還是真係要睇情況？甚麼程度要杯、甚麼程度要爭？
5. 這一年沒有立法會議會戰線，國際線如何主動出擊，街頭戰線如何重燃？
6. 不論主去或主留，你有無覺悟要承擔做相關決定後果的勇氣？
香港民主運動走到如斯田地，有果必有因，因可以係積下來嘅德，亦都可以係業，或者兩樣都有。望清楚思考清楚我地係點樣走過來，先可以盡量吸收教訓，更加清楚未來要點行。
香港於對抗極權行列其實仲喺BB班，希望大家保存意志但謙卑務實。
腦袋是個好東西，本來覺得其實良知都係，但有時都覺得亂世下未必人人都應該要有，我覺得自己要有就ok，共勉之。