不能免俗，又講下巴塞隆拿恥辱式大敗於拜仁慕尼黑手下。
一場8:2，不是世界末日，只是巴塞隆拿這顆行星既墮落，世界仍然需要運轉、生活仍得繼續。打著改革旗號作出改善，對巴塞球迷完全唔陌生。美斯為核心既改革，本意係用盡球王所有既剩餘價值，尼馬當日未出走，就係巴塞隆拿既皇太子。太子去國，巴塞隆拿從此就搵唔到球王既繼任人。之後修修補補，盡係高價低能、表現左支右拙既球員。華維迪意圖更動祖宗宗法，但係大賽屢屢出醜，最終眾叛親離改革失敗告終。
一艘戰艦船底已經千瘡百孔，任你如何修補，向下沉沒只係遲早既事。尼馬回來有用嗎？沙維回來有用嗎？碧基賽後吐真言：如有需要，我退位讓賢。恥辱已經唔係第一、二次喇，大家都忍受夠喇。邊個嚟都唔及邊個走咁嚟得重要。主席巴度姆只求繼續連任，手底下制服團隊亂作球員交易視作無睹，恥辱式大敗之後，竟然第一時間鏟走晒轉會操盤既重臣求自保。如果今場只輸4:0，11月主席大選應該連任無疑，如今主席選舉變得風起雲湧。
巴塞隆拿等於漂亮，下一季是否如此已無保證。美斯是否需要出走是偽命題，根本美斯就是巴塞隆拿，情願不踢波也不會蟬過別枝，我是如此相信。有名宿光環，不怕走進火海救巴塞於苦難，甚至說服美斯減低出場次數配合戰術，個人認為沙維看似是最理想人選。當然談戰術我非專家，盡用美斯剩餘價值，同時「弱化」美斯令其他球員接替其他工作，這樣才是巴塞隆拿實現世代交替既出路。