（獨媒特約報導）大生圍「魚塘大王」盧開根（根叔），涉被女兒及住在錦綉花園的夫婦騙去13個魚塘的經營權，事件於電視曝光後惹來關注。自1973年養魚、現年92歲的根叔，一手一腳開墾出13個魚塘，可謂見證了本地養魚業的興衰。經營魚塘大半生，如今根叔也考慮交棒，始終年紀太大，體力大不如前。但他說，仍會堅持留在魚塘，確保製作出最優質的本土魚產：「啲人食嘅魚，一定要健康」。
曾赴台灣培訓孵化魚苗 70年代回流開荒建13魚塘
根叔1929年在中山出生，1953年偷渡來港，55年已開始在新界西北隨朋友養魚養蝦。六十年代，其時台灣淡水養殖技術尚未發達，他一度去台灣培訓當地人孵化魚苗：「有三十個徒弟，全部都大學生嚟！」根叔說起仍一臉自豪。
一去數年，根叔曾想過留在台灣，但後來得悉朋友在香港賣地，於是又回到大生圍。根叔說，這裡起初是一片爛地，他找來推土機開荒，花了數年時間，終一手一腳建成13個魚塘。
批大陸只顧賺錢落激素 堅持用優質材料養魚：啲人食嘅魚，一定要健康
七八十年代，新界西北養魚業起飛，當時40出頭的根叔也趕上了養魚的黃金時代。他憶述，最高峰時期，元朗馳名的烏頭賣26、27元一斤，每日都有十數架車排隊來買。但後來隨著海魚越來越多、內地輸入大量淡水魚與本地魚競爭，生意也漸漸下跌；加上「本地有啲人養得唔好食」，很多本地魚有「臭泥坑」味，令不少人對本土生產卻步，烏頭也跌至8、9元一斤。
本地新鮮水產，何以有臭泥味？根叔解釋，有些人會用次貨餵魚，又毫無節制、「過哂籠」，令魚的品質下降。但他堅持用最優質的材料養魚，例如用嘉頓麵包皮作飼料，也會適量餵飼，因為「如果唔好食，唔好話賣，你畀人都冇用啦！」
根叔續說，「大陸啲魚同蝦只顧住賺錢，唔理你好唔好食、健唔健康，最重要就係激素，激素就快大」，但他則絕對不會用，「我哋呢啲正所謂攞招牌㗎嘛，如果有一個人話根叔啲魚唔好食，咁咪唔駛賣！」對他來說，「啲人食嘅魚，一定要健康」。
幫工鍾先生和鳳姨從塘裡撈起好幾籠對蝦，籃內的對蝦非常生猛，不停躍起甚至跳出網外。
年屆九十仍堅持親力親為 嘆年輕人怕辛苦難繼承
92歲之齡，根叔仍是事必親躬，不時親自餵魚、撈魚：「一定自己親力親為，唔係唔掂㗎！」、「老實講我哋咁嘅年齡，你唔做仲麻煩」。但他也承認，自己年紀的確太大，「七十幾歲嗰啲都唔做，我九十幾歲仲要喺度，係尷粗嚟」。說起體力，更搖頭大嘆：「體力差得遠啦！⋯⋯唔好話好耐啦，十年前我做嘢，而家請啲人，佢三個都唔夠我一個人做啊。」
養魚的確辛苦，割草、餵魚、捉魚，「又要濕水，又要污糟，捉魚都真係要出盡力」。在本地養魚業日漸式微的今天，根叔不止一次大嘆，年輕人「個個怕辛苦」，難以找人繼承，為了「量力而為」，他近年也會把一些工作交給幫工。近年越來越多人提倡本地生產，根叔也笑指多人來找他買魚了，但他嘆，疫症以來一些大陸的幫工因檢疫措施不能來港，「如果唔係整呢個疫症出嚟，我哋香港啲魚係唔夠賣，呢個疫症⋯⋯真係香港又傷，香港人又傷」。
被騙13魚塘心情低落 街坊互助走出陰霾
根叔自言，像他坐擁13個魚塘的人不多，多數人也只是有兩三個魚塘。「魚塘大王」的財產自然受人覬覦，兩年前，根叔將魚塘分別轉手予女兒及一對居住在錦綉花園的夫婦，事後女兒和夫婦卻不知所蹤，承諾給予的尾數也沒有付清，更曾破壞魚塘欲逼走根叔。附近村民協助他製成抗議的橫額，最近電視台報道亦引來迴響。
根叔坦言，有段時間很不開心，但現在案件已交由警察和律師處理，事件曝光後大生圍村和錦綉花園的街坊亦相繼來探望支持，「早輪日日幾十人嚟」、「個個都來支持我」。「我而家唔怕啦！」根叔說著，眼睛亦瞇成一條細線。
交棒予有心人但不離開：我至少大半生喺度，真係以呢度為家啦
如今放下心頭大石，根叔打算把魚塘交給他信任的、一直來幫忙的朋友。不過，根叔並不會真的「退休」，「我都會喺度，做嘢我唔做得咋嘛」，但他仍打算指導朋友養魚的事情，像是養魚用什麼飼料、要落幾多料等。「我有技術，佢哋冇啊嘛」，根叔對自己幾十年經驗，很有自信。
問根叔有沒有不捨得？他顯得很灑脫：「唔到你唔捨得㗎，（睇）你嘅能力去到邊度，你嘅能力已經去到盡⋯⋯」但經歷多少風雨仍留在此處，大概是出於對魚塘的愛：「若果係唔鍾意就唔會喺呢度幾廿年啦！我至少大半生喺度，成世人真係以呢度為家啦。」
記者：黃蕊獻