點解 health code 仲大煲過國安法？
國安法係針對政治活躍的一群，而且係事後檢控。Health code 若如經民聯建議入食肆及商場都要打卡（而不限於出入境），就係一個全民監控及 pre-crime crackdown 的系統。
全民監控同 pre-crime crackdown 有咩問題？
首先你會無晒私穩，因為 health code 係實名的，根據你ID同健康狀況建立一個特有的QR code，每次打卡，個系統就會偵察到這個ID的位置。
長期偵察後，再將呢啲 location details 進行大數具分析，個系統會知道：
1。你日常在那裡活動；
2。有哪些人常會聚在一起（如示威常客，飯聚集團）；
3。你有無情人或幾頭住家等。
若攞來做 pre-crime crackdown，見到示威常客在同一時間去某個商場，就可以搜身；見到飯聚集團，成日book 房食飯，就可以裝定偷聽器；收到恐襲威脅，在可能事發點打卡的人都有嫌疑。
可能你會話，幾好，我又唔犯罪又唔示威，最好捉晒啲搞事份子。但其實做得犯罪份子，佢地大概有辦法規避偵察；相反，系統一旦被濫用或被黑客入侵會有咩後果？
1。大量騙案同威脅，如你唔俾錢我就話俾你老婆聽你去邊度滾；
2。邊個有錢仔係邊到返學去標心；
3。你欠人錢，追債的知去邊到斬你；
4。恐怖份子知去邊到可以炸死最多紅富二代。
唔想咁，大家可以點？
1。首先唔好去做免費病毒檢測：經民聯想用 health code 食肆商場打卡去迫大家做免費病毒檢測，短期目標大概係開自由行救港，但若只有少於3份1港人做，到時商場唔止無自由行，連本地客都無。
2。阻 health code 的執行：有N咁多理由，私隱，數據安全，趕絕外國旅客等等。
3。萬一執行，集體規避（話說大陸淘寶有得賣 health code)，到時人人都是黑客。