（獨媒特約報導）警方早上以涉違反《港區國安法》等罪名，拘捕壹傳媒集團創辦人黎智英等共7人，並搜查壹傳媒大樓。近10名親建制人士下午到壹傳媒大樓外「慶祝」，但遭警方票控違反限聚令，「保衛香港運動」發起人傅振中見狀，即「淆底」丟低同行人士走先，惟最後在對面馬路被警員發現，他和另外4人同收到告票，他稱「無所謂啦」，「我嚟撐你㗎嘛，你告我。」
在下午接近3時半，傅振中帶同至少8人到場稱歡迎黎智英被捕，希望對方今次能真正「落鑊」。傅振中手持橫額和香檳，但受制於限聚令，只有另外兩名自稱「藍絲」的市民開香檳和花炮。二人在慶祝後，被警員要求清理垃圾；清潔途中，警員發出廣播，稱在場人士已違反限聚令。
有警員稱該批市民有共同目的，應發出勸籲，但沒有發出告票。警員更開路，安排其餘數人到對面馬路。警員到車上提取告票，並登記該二人的資料。
二人垂頭喪氣，警員最後對二人發出告票，票控他們觸犯第599G章《預防及控制疾病（禁止羣組聚集）規例》。傅振中則逃過一劫，他一度走上前稱，「我嚟撐你，你哋告我？」警察公共關係科警司高振邦稱不認識對方，又質問他，「你係咪記者？唔係就好走，你好似係一齊。」傅隨即和另外數人離開現場，但之後在對面馬路被警員發現及票控。
傅振中隨後向傳媒表示，無奈接受被票控，又開心地重複強調「肥佬黎罪有應得」，「今日是好多愛國愛黨嘅同胞慶祝嘅日子，不約而同咁展開慶祝行動」。在場記者疑嫌傅表達過於冗長，打斷其說話提問，傅隨即駁斥「你唔俾我講埋」，隨後繼續自說自話。
「保衛香港運動」發起人傅振中