（獨媒特約報導）民主派在9月立法會換屆選舉將以爭取議席過半為目標，旅遊網站「又飛啦！」（Flyagain.la）創辦人周錦基繼去年出戰灣仔區議會「司徒拔道」選區後，再挑戰另一建制派陣地—立法會旅遊界，並要面對中旅社的姚柏良及新民黨葉慶寧「夾撃」。惟他認為自己並非「陪跑」，認為疫情令業內藍絲選民覺醒，「我成日同人講『投票俾我你贏緊』，就算（民主派）35-，建制派繼續上場，你得到嘅都只係same。」
選民年老欠改革意志 團體票令建制派長霸議席
旅遊界一直由建制派壟斷，自由黨楊孝華在1991年起連做四屆，直至2008年欲交棒予董耀中，惟該屆謝偉俊取得324票，以8票之差險勝，而代表公民黨出戰的司馬文則以81票慘敗。現任立法會議員、中旅社董事長姚思榮則在2012年以523票當選，去屆更獲625票，以337票之差擊敗「四戰四敗」的金怡假期董事長葉慶寧成功連任。今屆姚思榮不再參選，改由同為「中旅系」的中旅社副董事長、前觀塘區議員姚柏良出戰；葉慶寧則預計會代表新民黨第五度出戰。
旅遊界難以攻陷的其中一個原因是團體票投票，選民必須為香港旅遊協會、旅遊業議會、航空公司代表協會、香港酒店業協會及酒店業主聯會的指定會員。根據今年的選民登記冊，現時共有1,486名選民，較去屆僅新增140人，惟2016年的投票率已達80％。按《旅遊業條例草案》開設旅行社入場門檻將由50萬元增至100萬元，未來更難有新血。周錦基解釋，現時大部份旅行社持牌人均年事已高，「（佢哋）冇乜改革意志，寧願拎住個牌等政府俾資助」，所以造就建制派長期霸佔議席。
周錦基續稱，業界的高齡結構亦養成「圍威喂」心態，「呢行好多老行尊，熟到係幾十年交情，有啲唔啱聽嘅說話都唔係咁易發表。」他表示旅行社牌照的另一用途是讓牌主「聯誼」，參加世界各地旅遊局所舉辦的「Fam trip（Familiar trip）」。他指此類旅行團由於有政府補助，所以收費便宜，甚至免費，「你嚟完一次就幫佢sell，業界啲人咪覺得幾好呀，退咗休去下Fam trip交際食飯，總之唔講業界嘢，極圍爐取暖，最多埋怨一兩句。所以佢哋投票唔洗睇政綱，夠老就投。」
批建制參選人唔夠激、跟黨走
周錦基認為業界人士其實一直清楚行內問題所在，只是敢怒不敢言，不希望成為業界中的「異類」，更指隨著生意愈來愈慘淡，有很多所謂建制派選民都「睇唔過眼」向他訴苦。武漢肺炎疫情反覆，周錦基大嘆現時旅遊業是「人類史上最慘淡」，「有咩行業係你想做生意都冇呢？就係得旅行業，餐廳都有外賣呀。」他指出境旅客大幅減少，入境旅行團亦受「限聚令」所限，令本地旅行社紛紛各出奇謀，例如常見的「酒店staycation」；有走高檔路線的旅行社曾在「限聚令」放寬至50人時，轉型辦本地生態團；亦有旅行社要「不務正業」，「賣水果、賣台灣麵、賣柴米油鹽，依家呢個世界痴線㗎。」他坦言：「所有活動其實冇乜錢賺，只係想有啲嘢郁下。」
周錦基去年因反送中運動，以「灣仔起步」名義首次出選「紅區」灣仔區議會「司徒拔道」，惟最終以317票敗予建制派黃宏泰。相隔不足一年再出選立法會功能組別，他稱是因為看到沉醒多年的選民終於因危在旦在的旅遊業而覺醒，「以前好生意就可以圍喂威，依家死清光要money，（資助）到唔到位呀？點派法？冇人講。」他坦言不介意成為別人口中敢言的「異類」，「由頭到尾都係想俾多個選擇」。
他認為旅遊界選舉一直都是由香港旅行社東主協會會長葉慶寧與「中旅社系」代表的兩幫之爭，自己是「新人」反而更有優勢，「將兩幫歷史帶落議會，最後咪只會偏聽」。作為新興旅遊網站創辦人的周錦基強調業界代表最需要的是創新思維，更直斥二人「唔夠激」，「選我又好、選葉慶寧姚柏良又好，你都問下自己呢個人可唔可以用全新嘅思維解決問題。」
第五度出戰的葉慶寧今屆獲新民黨「加持」出選，但周錦基認為幫助不大，並表示過去只有楊孝華以自由黨身份出選，「但都係十幾年前嘅事啦」，指之後的謝偉俊及姚思榮均以獨立身份出戰。他指業內人對政黨「好敏感」，「唔係咁受囉，點知你會唔會跟黨走？」
周錦基去年出戰區選，在灣仔「司徒拔道」以1,591票落敗
稱選情微妙 「建制派繼續上場，你得到嘅都只係same」
民主派以「35+」為目標，由建制派壟斷的旅遊界一直被排除在外。立法會換屆選舉提名期更於本周五（7月31日）就截止，周錦基指因有提名人可能「走票」，故仍要爭取提名入閘﹐記者不諱言問他「真係有勝算？」他連續說了幾次「好微妙」，「好微妙在於社會、政治、疫情日日都變化緊。」他表示，《港區國安法》在七月一日實施，澳洲及加拿大隨即對香港發出旅遊警示，呼籲國民重新考慮留港，「咁咪即係倒我哋米？呢個咪就係國安法問題囉，佢哋（選民）要明白。」
他又認為疫情會影響選民想法，慨嘆旅遊業短期內已無望重開，現時業界狀況已跌至谷底，叫苦連天，「我成日同人講『投票俾我你贏緊』，就算35－，建制派繼續上場，你得到嘅都只係same。姚思榮坐足8年，你荷包有冇腫脹過？」但他同時指，疫情之下根本無法洗樓拉票，只能單靠打電話、網上宣傳及選民對政局的判斷。
不會為否決而否決 盼做議會綠葉
周錦基經常提到「變化」，立法會之後是否能如常議政亦是未知之數。他指這年代的代議士要求十分高，又認為「抗爭」有多種方法，絕不反對肢體抗爭，但傾向作出體制內的抗爭，「抗爭有好多種意義，肢體（抗爭）就交俾後生仔做，我哋就做啲體制內嘅嘢，譬如私人提案。我可能係配角，但我希望係有用嘅綠葉。」
民主派表明，如政府不回應五大訴求﹐將會否決《財政預算案》。周錦基表示「唔會為否決而否決」，要視乎預算案內容是否能夠令社會復原，強調出發點都是殊途同歸，「可能唔同界別，我哋界別資源真係好缺乏，冇錢真係死哂。如果冇回應，一樣會否決。」
倡設100億基金 鼓勵民間建立香港景點
海洋公園獲政府撥款54億元「救亡」，周錦基指自己政綱不只要「攞返呢54億元」，而是要求成立100億元的「香港旅遊業轉型基金」，用作資助業界在疫情下交租、資助老闆聘請年輕人入行，以及支持持牌旅遊從業員申請建立本地新小型景點。他不滿政府巨額投資海洋公園，批評主題公園的吸引力已大不如前，甚至是不合時宜，「你批錢俾佢reform，咁幾時搞得掂？ 3年？4年？然後10年後又裝修？我哋係聽日就要搞掂。」他指香港的旅遊景點少得可憐，認為應散落民間、遍地開花，例如不同的博物館、小型劇場，「唔好政府lead，由民間去lead。與其俾海洋公園幾個人去決定旅遊業命運，點解唔俾香港人去決定返自己命運？」