（獨媒特約報導）今日是7.21元朗恐襲事件一周年，民主黨立法會議員林卓廷原擬下午4時在元朗西鐵站外「連儂牆」位置，聯同兩名受害者召開記者會，控訴警方至今僅落案控告7人。惟眾人拉起寫有「721周年，警黑勾結，放生兇徒」和印有60多名白衣人大頭照的橫額時，旋即有逾百名在場駐守的防暴警員蜂擁而上，將林卓廷、民主黨主席胡志偉、成員莊榮輝、葵青區區議會主席單仲偕及立法會議員尹兆堅等人包圍並逼到牆邊，再以違反「限聚令」票控民主黨等人，共發出8張告票。
尹兆堅：「一年前有咁嘅警力，7.21就唔會發生」
尹兆堅獲放行後見記者，他表示甫達到記者會現場即遭多名警員包圍，並被票控違反《限聚令》。他強調今日到場的目的是讓7.21的受害人講出心聲，為工作範圍之內，不受《限聚令》限制。
他批評警方至今未有將涉事人士繩之於法，「百幾人出嚟襲擊，求其拉幾十個嘍囉交數」。他又形容去年的7.21事情為港人最深的刀痕，批評警方今日以違反《限聚令》票控眾人，目的令事件「石沈大海」，怒斥其「冥頑不靈」。
被問及如何解讀警方今日的強硬部署，尹推斷警方「身有屎」，問「係咪擔心傷者揸住嘢，要壓制佢哋嘅聲音呢？」他怒斥「如果一年前今日、呢個鐘數，有咁嘅警力，7.21就唔會發生」，又指「其實佢哋今日出嚟執法，係冚咗自己幾巴」。
林卓廷被警員包圍期間，向記者方向高舉「五大訴求」手勢。林與胡志偉等人獲放行後向記者展示告票，林批評警方行為極度可恥，指現時有超超200名警員駐守現場，又斥責警方沒有盡力調查事件，「到而家票控嘅只有7個人，係想放生班鄉黑」，質疑警方只想敷衍「交數」。
被白衣人藤條抽打 受害者轟「打我嘅一個都拉唔到」
在混亂之中，兩名原定在記者會上發言的受害者自行見記者，包括放工回家途中被白衣人以藤條抽打背部受傷的廚師蘇先生，及在月台走避白衣人追打而跌倒受傷的林婆婆。
蘇先生、林婆婆（左至右）
蘇先生指他事發當晚放工回家途中離開形點商場，途經鳳攸北街時忽然遇上白衣人手執藤條無差別追打，背部有多處傷口。他指傷勢至今大致恢復，至於心理狀況，稱「唔使睇心理醫生係不幸中嘅大幸」。
蘇先生又批評警方執法效率極低，整年下來只對他進行一次錄口供的程序，更沒有進行認人程序，「連個 case係咪close 咗都無同我交流」，有感「好似被警方忘記咗」。他轟「打我嘅一個都拉唔到」，質問市民如何能夠相信警方聲稱會「鍥而不捨、繼續調查」。
被問到如何評論警方今日的部署，蘇先生形容為十分誇張，指「今日純粹係一個記者會啫，又唔係話呼籲遊行同集會」，又慨嘆「如果一年前有咁多警力擺係元朗，今日都唔會發生咁嘅事情啦」。
躲避白衣人跌倒、膝蓋受傷 林婆婆：而家咩都做唔到
受害者之一林婆婆向記者憶述當晚元朗西鐵站的情況時，神情仍然十分激動，她指當時正乘西鐵歸家，「我老花睇唔到發生咩事，係啲後生仔同我講下面打人啊」。她續指，在月台接駁大堂的樓梯走避之時跌倒，「膝頭跪咗落個樓梯度」，「個晚成晚無訓過覺」。
她表示當時打算到警署報案，才發現警署「落閘」，激動問道「點解香港會變成咁」。她又表示雖然膝蓋做了手術，但仍然要戴護膝，「叫做可以行到少少，但行樓梯都係曲屈唔到」。談到自己本來在體育館教街坊跳健康舞，她不住流淚哽咽道「而家咩都做唔到，又要食藥」。
