（獨媒特約報導）今日是元朗721白衣人襲擊市民事件一周年，當日建制派立法會議員何君堯曾與白衣人在元朗鳳攸北街休憩處握手。香港酒店工會及香港調酒師工會今日重返「握手位」，派發防疫物資予居民，向市民呼籲「洗手21秒，唔好見到英雄就同佢握手」，近60名警員在場包圍及攝錄。
兩個工會今日預備約500份「梘液樽旅行裝」及消毒酒精派發，又開咪提醒居民「每星期7日都要做足7個步驟洗手，每次洗手21秒，時時刻刻都要勿忘721呢個步驟。」但由於現場被大量警察包圍，居民難以接近，出席活動的職工盟主席吳敏兒及元朗區議會副主席麥業成，帶同物資走到警察圈外派發，有市民批評警方妨礙他們取物資。
警察重兵包圍街站，香港調酒師工會主席候翠珊斥「今日派放疫包就咁多警力，上年721警察去左邊呢？」吳敏兒不滿「最需要你（警察）時，你去左邊呀？」「望住我地派會點？由頭到尾都係不必要，我地無其他目的，警察係咪要咁緊張？」
吳敏兒提到，政府實施晚上六點後停晚市的做法，首當其衝的是「打工仔女」，本港最新失業率達6.2％，是十五年來新高，她不滿政府紓困措施不到位，「補緊嘅只係老細荷包，有幾多係落到打工仔袋？」侯翠珊斥政府在防疫政策漏洞百出，對香港市民完全無益，晚上禁止堂食令令調酒業界難以營業。
