（獨媒特約報導）立法會財委會主席陳健波去年發表「收成期」驚人言論，惹來大眾嘩然。他今日再被問及有問言論時稱，不少中年人稱讚他「講得好啱」，而且「好多都有共鳴」。他指，年輕人應明白他們沒有權利摧毀上一代辛苦建立的成果：「摧毀人係絕不自豪嘅！」陳又表示，「我覺得嗰啲人畀人煽動咗係好可憐㗎。好坦白講，呢個係我衷心嘅說話。」
去年6月，陳健波回應《逃犯條例》修訂爭議時，斥示威者搞亂香港，又表示「最唔忿氣係我，咁辛苦儲了咁多年錢，好努力才有今時今日比較安穩的生活，我嫖、賭、飲、蕩、吹都唔啱嘅，好基本的生活就得，你點解要破壞我生活？依加我收成期吖嘛。」
陳今日傍晚會見傳媒時，再被問及有關言論。他回應指，自己當日「唯一的錯」是沒清楚告訴大眾，許多和他同年代的人以往是「不斷只做嘢唔去玩」，以積聚財富和建設香港。他強調，這群人已經五、六十歲，若要「攬炒香港」，等同摧毀他們這代人。他又稱，不少人稱讚「收成期」言論「講得好啱」：「數以百萬計嘅中產甚至係中年人、五六十歲嘅人，好多都有共鳴㗎！」他指，年輕人應明白，他們沒有權利摧毀上一代辛苦建立的成果：「你應該建立你嘅成果，咁先自豪！摧毀人係絕不自豪嘅！」
指「攬炒」 風氣興旺 指「畀人煽動」的人很可憐
《國安法》於本月初正式訂立，加上下屆立法會選舉將至，不少政府素人主打「攬炒」望進入議會。陳健波承認，現時「攬炒」 風氣興旺，批評這股風氣會令香港出現內耗，又憂慮這是香港「衰敗的開始」：「好似左手打右手，自己打傷自己。」他認為，有年紀大的人稱讚年輕人「做咗我當年唔敢做嘅嘢」，是因為他們當年害怕坐監或付出代價而不敢做：「我覺得嗰啲人畀人煽動咗係好可憐㗎。好坦白講，呢個係我衷心嘅說話。」
陳健波亦在提問環節中，數度提及 《蘋果日報》。在《蘋果》記者發問時，陳先笑言「你《蘋果日報》？我要小心啲。」其後他提到，他指有不少人反對「收成期」言論，特別是《蘋果日報》的專欄：「其他報紙係冇㗎。」