（獨媒特約報導）粉嶺欣盛苑昨日（7月12日）召開特別業主大會，通過撤換盤踞屋苑超過20年的舊業主立案法團，由「欣盛同行」團隊13人補上。會前有居民派發單張反對，雙方一度爭執：「以前劉國勳唔會有呢啲嘢㗎，點解要嘥4萬蚊搞（特別業主大會）？」
法團遭撤換 居民拍掌歡呼
居民組織欣盛同行早前收集超過5%業主簽名召開特別業主大會，所得業權份數為35,010份，佔總業權份數約3成（30.4%）。第一項議程為撤換第八屆法團，此議程的贊成份數為29,033（67.35%），反對份數為14,074（32.65%），議案獲得通過，居民即拍手歡呼。
第二個議程為選出新委員，一共有28人參與補選，包括爭取連任的第八屆法團委員，最後欣盛同行13人團隊全數當選。
操普通話女子派單張籲投反對 街坊接過後即撕爛
大會於下午2時開始，逾百名居民1時起已排隊登記。期間，居民之間不斷發生零星口角。有數名自稱是居民、操普通話的女士派發單張，上面印有「反對政治入侵、保衛家園、和諧、安寧」字句，呼籲居民「反對撤換法團」，引來多名居民「狙擊」。
有居民質問「你係咪呢度居民呀？你住邊座㗎？」，又籲對方「唔好做呢啲嘢啦，大家幾廿年街坊，你喺度分裂我哋。」有居民接過單張後立即撕掉，直接扔在地上，並著對方「返大陸啦！保衛國家啊？」他們堅稱自己是居民，又指：「我唔想同你講咁多嘢！」
居民進入會場前互相指罵。
支持者：坐喺馬桶唔痾屎 反對者：喺屋苑搞事
63歲的Andy是欣盛苑業主，他狠批20多年來屋苑管理不及格，更帶領記者觀察屋苑設施，形容兩個遊樂場的軟墊「溶溶爛爛」，遊玩設備更生鏽破爛。Andy直斥法團沒有作為，部分委員態度差、滿口髒言，「講起都嬲」。
他坦言自己過往「唔鍾意理呢啲嘢」，覺得「遠親不如近鄰」，會盡量忍受，但「你個法團做得好唔好，公道自在人心，坐喺馬桶又唔痾屎」，故支持撤換法團。
Andy排隊進入會場期間，一度遭其他街坊圍攻，斥現任區議員、新民主同盟林淑菁將政治帶入屋苑，「以前劉國勳唔會有呢啲嘢㗎，點解要嘥4萬蚊搞（特別業主大會）？點解唔等多四個月？」
欣盛苑居民Andy
在欣盛苑住了27年的馮太，不滿林淑菁自3月起與欣盛同行「搞事」，直斥他們「搞到屋苑唔安寧」，又指「我哋呢啲老人家淨係想安居樂業咋嘛！」馮太表示反對撤換法團：「係換都唔係依家換啦！等到11月㗎嘛！」
欣盛苑居民馮太