（獨媒特約報導）民主派立法會初選第二日，多區仍有大量市民參與投票。在天水圍天瑞邨，長達300人的隊伍中，遙遙可見一名坐輪椅的男子。現年58歲的曾先生向獨媒表示，以前自己不理會政治、也從沒投過票，但因對政府不滿，今年特地登記做選民。平時甚少出門的他，甘願在酷熱天氣下排3、40分鐘隊投票，為的是「盡力一博」：「以後想有自由民主，唔想好似大陸咁樣」。
曾先生說，以前自己不理政治、不問世事，「安安樂樂咪好」，但自去年6月起，開始留意送中惡法，「如果政府唔係咁樣，我今日都唔會坐喺度！」
談起對時政的看法，曾先生即滔滔不絕，邊說邊不禁揚起聲線：「林鄭老公同兩個仔都係英國籍，出賣香港人！」、「肺炎最初可以堵塞，但林鄭打死都唔堵塞，知唔知點解？要比啲高官走！」、「銅芯抗疫口罩，自己人益自己人，過唔過份？」教他最無奈的是，「話明五十年不變，點解而家廿幾年就變左？」
初選第二日，天水圍天瑞邨票站人龍。
說到運動中的年輕人，他更是痛心：「就算打仗捉到俘虜都唔會打佢哋，但而家打啲?仔仲厲害過打啲賊！」奈何因身體關係，曾先生只能留在家中看直播，不能去現場。他歎自己生不逢時：「如果我後生廿年、行得走得，我都會做勇武！我真係好唔抵得啲差佬！」
曾先生說，自己平時甚少出門，但今日也要出來，因為「以後想有自由民主，唔想好似大陸咁樣」、「唔出來，就行返大陸制」。問他會否辛苦，他即指著延綿不絕的人龍笑道：「就算辛苦，都有咁多人陪我。」