（獨媒特約報導）民主派今明兩日舉行立法會初選投票，於多個區議員辦事處、「黃店」等設立票站。繼民政事務局日前表明不會發還區議員辦事處用作票站的開支，位於公共屋邨的區議員辦事處昨日收到房屋署警告，指票站違反租約條款，或會採取行動包括終止租約。
觀塘曉麗區議員張敏峯的辦事處原定開放作九龍東初選票站，惟他昨晚臨陣退縮，在社交網站公佈辦事處取消作初選票站。他表示義工人手不足，一星期前模擬過投票程序，亦發現辦事處太小，難以容納市民投票。
警員抄資料：驚你哋比人搞！
上午10時，有3名警員走入張敏峯的辦事處，並問他：「票站係咪12點開？」張其後告知警員已取消票站，警員稱：「哦！取消咗，掂！」警員向張表示：「驚你哋比人搞，洗唔洗留定啲資料？」最後張向警員交低聯絡資料。
不希望門外對資料 一半義工因疫情退出
張敏峯表示，辦事處地方太小難以安排居民投票，「我預計每日都會有四、五百人嚟，一星期前模擬過投票程序，居民只可以喺門外核對個人資料，但因私隱問題，唔想喺室外做呢個步驟。」他又指辦事處門外有小巴站，不方便排隊。
張指本來有8名義工前來協助票站安排，但昨午5時左右有一半義工因擔心疫情而決定不幫忙，「其實票站要12個義工先夠，因要分批幫忙維持秩序、協助居民使用投票系統、匯報情況。」他又指考慮疫情後，決定取消。
曾向大會要求議辦設實體票
張敏峯又認為電子投票「唔夠user-friendly」，投票程序複雜，如果能夠在其辦事處設實體投票會更理想。他指曾向大會要求設實體票，但無奈稱最後的投票方式都是交由大會決定。被問問及大會有否提供任何支援，張表示：「我唔答。」
居民摸門釘 不知票站取消
投票原訂於上午9時開始，因昨晚警方搜查香港民研辦公室，令準備工作延誤，投票臨時延至中午12時開始。約上9時半，分別有兩名居民到張敏峯的辦事處欲投票，有居民稱：「我嗰女叫我嚟，話呢度有得投票。」居民不知票站已取消，又不清楚其他票站的地點及已更改的開放時間。張敏峯指能理解居民的失望，「當然自己都想搞初選，但無理由要居民承擔呢個後果，唔想再見到有人確診，所以寧願承擔比人話，我期待有人嚟鬧我㗎！」