（獨媒特約報導）上月初，大埔運頭角里鷺鳥林發生3宗捕捉鷺鳥事件。大埔區議會今日（7月7日）跟進事件，區議員連桷璋要求警方及漁護署加強巡查，惟警方即以人手不足為由拒絕，更稱未有資源設專隊處理。連反駁指警方設有動物調查專隊，區議員林名溢亦指「你泊架警車都震懾到啦」。埔向天晴陳蔚嘉指「鷺鳥係大埔嘅標誌」，炮轟警方「搵一兩個人巡邏係咪咁難」，「尊重生命嘅就幫幫手啦」。
6月3宗捉鷺案 連桷璋：有人貪其「補身」
今年6月初，大埔8天內發生3宗捕捉鷺鳥的事件。有街坊於6月2日在廣福道與運頭角里交界的鷺鳥林，目睹一名男子一手持膠袋，一手捉起白鷺，遂上前喝止，該男子解釋「捉嚟養而唔係捉嚟食」，並放走白鷺。大埔區議員連桷璋的助手亦於6月9日，發現一名中年男子捉著白鷺雙翼，在林村河邊行走，未幾自行放走白鷺。
連桷璋指「捉鷺人」當時手持膠袋，「走嗰時仲要係面露猙獰嘅笑容」，更有街坊證實「捉鷺人」是直接「走人」。連猜測有人捉鷺鳥是貪其「補身」，有商鋪曾向他表示目睹一名婆婆捉鷺鳥，更承認「捉返去係為咗補身」。連要求警方及漁護署加強於廣福道及運頭角里巡邏。
大埔區議員連桷璋
警稱須平衡人手：睇邊樣較影響民生
大埔警區指揮官李國忠以人手不足為由拒絕，更指現時並未有設立專隊處理相關情況，暫時未有拘捕涉案人士。連反指警隊早己設立殘酷對待動物案件專責調查隊。埔向天晴陳蔚嘉則表示，對警方的回應失望，「警方就話打999，但啲人捉得（鷺）嚟幾分鐘就食咗啦」，指老一輩人「諗住背向天嘅就一定食得」，認為警方必須加強巡邏，起阻嚇作用，「搵一兩個人巡邏係咪咁難」，「尊重生命嘅就幫幫手啦」。
埔向天晴陳蔚嘉
李國忠回應時，稱「警方每日都有好多毒品、黑社會、行劫、騙案的工作」，人手需作平衡，「睇邊樣影響民生較嚴重」而作取捨。連桷璋即指大埔人關心白鷺，要求警方加派人手。林名溢則指警方常稱人手不足，「我就求證唔到，但你泊架警車喺度都震懾到啦」。
新民主同盟周炫瑋表示警方的回應奇怪，「有動物專隊專門調查虐待動物案，但又將毒品撈埋一齊講」，「要毒品調查科兼任，咁就唔係專隊啦」。新民主同盟胡耀昌則解釋，現時動物調查科成員由其他嚴重罪案的警務人員組成，須兼顧其他工作，但亦反映警方查案準則為「你哋想查先去查」，「呢個就係點解動保團體一直要求有專門嘅動物警察」，更諷警方稱「無人手」，「但係好多人都覺得你哋有無限資源喎」。李國忠即指人手編制關乎整個警隊運作，並非由單一警區決定。
漁護署濕地及動物護理主任（執法）葉善行指，於6月9日至6月28日期間，總共於運頭角里及林村河一帶巡邏21次，「差唔多每日都去」。