今日既文章會比較口語以及有粗口在內。
呢個係香香屋企故事。
入面個老豆娶左大媽二媽同十幾個仔。
當中老豆娶大媽時期，因為自己窮又要同人賭身家，好早已經賣左個香香。
掉左香香俾賭俠,雖然未算好食好住，至少有幫香香成長。
自身努力下，香香成為左一個都幾出色既人，有學歷有前途有錢，至少全世界都識佢。
香香好獨立，可以唔洗依賴自給自足。有人話香香靠人，食既米飲既水都係靠大媽個店舖，但係佢飲既食既要自己埋單，仲貴過出面任何店舖。喺出面咁多年，佢埋單之餘仲幫呢個屋企其他兄弟姊妹不斷進步。
賣香香個大媽死左，二媽開始管家，係要從收養人度接佢番黎住。香香都好乖，要佢俾家用，佢覺得一家人無問題。
一直都好地地，直至二媽開始打打鬧鬧，要佢好似自己其他仔女咁，唔準駁嘴唔準俾意見唔準同收養人有聯繫，香香開始時同二媽傾，二媽唔理仲動手打。
香香喺外面都算係有名，而且由細到大收養人供佢外國學習，思想唔係戇居愚忠。加上佢出面萬千寵愛在一身，點會唔反枱？ 之前仲話大家一家人，算啦俾下面遷就一下，到而家個二媽一出手，香香都反面不是人。
其他兄弟姊妹呢？ 佢地好多都憎恨個二媽，但係點解唔出聲幫拖呢？ 有啲兄弟姊妹更加幫大媽去打香香。
本黎香香唔明，直至有一日，佢小學同學話佢知，讀書時總有啲風紀班長明知個老師係無恥廢人，會為自保而不斷擦鞋，去到邊都有呢種人。再者有啲有錢仔好多人錫既，老師就哂佢地既，睇唔起我地啲野孩子既，我哋有鐘意過佢哋嗎？
“你屋企固然有班長呢啲仆街，但同時你出面萬千寵愛，番到屋企之後，又唔洗守家規仲有自己一條咩一家兩制，你又成日好似看不起佢地咁，你覺得佢哋會喜歡你嗎？”
“要佢哋同一陣線，基本要放棄班長嗰種人，再同佢哋說明都無意思。反而係要聯合其他俾人打到仆街既，令佢哋見到希望，知道你唔係豬西。”
“如果呢個家咁差，只是等待時機？ 楚雖三戶可成功，都要聯齊燕趙人啦。”
比其他兄弟姊妹，香香有外人支持，已經係大動力。之後不斷遊說家中從沒相處既兄弟姊妹，一個月後，大家同心協力將二媽趕走，兄弟姊妹將家產分了好好生活。