我哋成日話對員工唔好，就係黑店，就係無良僱主，到底香港無良僱主係點樣練成？？
各位打工仔可以觀察一下自己僱主，有跡可尋，及早對抗無良僱主！
Level One：心底裡盤算點走法律罅
呢班人心底裡明知法律底線，但就有各式各樣原因想剝削員工
一開始只係諗下可唔可行，之後就會花言巧語，逐個逐個員工問話，去粉飾自己嘅陰謀
一但成功分化到員工，摸清員工底線，就會逐步逐步成為黑心僱主
Level Two: 直接將生意損失轉嫁比員工
「生意好差！」、「如果無XX萬營業額，咁就XX啦！」
如果你對以上說話似曾相識，好大機會你老闆已經level two，建議你留意一下自己僱員權益有無比佢哋剝削
呢班人成日將生意掛在口邊，好似覺得做生意係一定會賺大錢！
平時會搞啲咩勤工獎、合約又會寫咩遲到早退點扣錢、邊個一請病假就比說話全世界聽！
再離譜啲，有時會出糧果陣比啲唔知咩野你簽，之後就話係借糧比你！擺明有蠱惑！
Level Three: 目中無法，擺明逼你放無薪假、八折出糧
佢哋每次一做仆街野，都準備晒啲文件，好認真咁對待，因為經歷過大大小小勞資糾紛，學識唔少仆街野
「我哋都唔想咁嫁！」劈頭第一句通常係咁。之後就不停喺度勸你簽名同意啦，好來好去。
你指罵佢，佢未必會發火，仲可能好有耐心去解釋犯法嘅動機，同埋叫你千祈唔好錄音！
Level Four: 仆你個街！拖糧！
有汗出無糧出！斷人衣食猶如殺人父母！
無錯，呢班慣犯個心黑到冇位剩，就係時候拖糧
你以為咁大動作，一定識走位，避開無良僱主？
佢哋犯罪手法通常係溫水煮蛙，一早頭可能係計小左，之後係遲出糧，最後直程唔出糧！
到你追糧，佢就話炒你！仲叫你唔好搞事！其實佢自己都知欠薪可以坐牢，所以佢一定最後拖拖拉拉比份底薪你，然後拖你其他錢（年假、法定假期、長期服務金/遣散費、佣金、花紅）
Level S: 國安同意書！
呢到係香港喎！逼你簽名去限制你個人自由，仲要攬炒香港核心文化
唔止斷人衣食，直頭係要搞散埋你頭家
到底佢當你係人定係狗？
有無尊重過你人權自由？
如果你仲問得出呢個問題，你勞工意識真係好差！
要上下我哋搞嘅勞法班！
國安法對打工仔有咩影響？
唔洗諗到好複雜，你打開Google搵下「華為251事件」、Facebook 搵下「有線中國組」、Youtube睇下「內地城管」
呢啲過多排你要用vpn 先睇到，因為到時你已經身處當中。
最後，係到再三提醒
騙徒手法層出不窮
唔同意，唔明白嘅文件
千祈唔好簽名！
千祈唔好簽名！
千祈唔好簽名！
7月11、12，請預留時間參加民間初選！
——————-
後記：
好多人問「香港有無良好僱主？」
香港勞工法例一向倒退，無標準工時、無集體談判權、無OT、甚至離職要求僱主出張工作證明都無法例硬性規定
所以守法係僱主最基本責任，要比法例好，有機制比員工參與決策先談得上良好
#無良僱主 #打工仔 #反抗
#無薪假 #八折出糧 #國安同意書
#拖糧 #無理解僱 #欠薪 #OT
#標準工時 #集體談判權 #企業民主化
#勞工組 #勞工法