1. 性暴力及事發略述經過
警員帶我返警車期間，佢哋不斷以侮辱女性嘅粗口辱罵我，我當時要求找律師和家人，但沒有人理會我。離開商場嘅時候，一位女警「揸」左我個胸幾次，我嗰下好驚，佢哋喺公開場合已經對我咁做，返到警署冇人見到，我根本無法想像佢地會對我做啲咩。我嗌左句「唔好揸我個胸」有群眾大嗌:「影到晒啦」佢先收手。我左警車之後，警察繼續鬧我。嗰刻我覺得好無助，好似任人魚肉。 返回警署後，會聽到警察會說﹕「呢件告佢乜嘢呀！」「非法集結囉！」「佢咬我！」「告埋佢襲警！」「好！正！」「你一定坐硬！」
期間，我幾次要求去廁所，但都不獲理會。我好慌，講左句去廁所係我基本嘅人權。一個女警冷笑左聲：「人權係基於你有自由，依家係係犯，所以你嘅自由係我哋話事，你最好出少句 聲。」有警察甚至會「學」我講﹕「我有人權嘅！」由被捕到返去警署，超過一 個鐘，我一直被索帶反鎖，即使曾經有一個警察想幫我鬆綁，但又被其他警察阻 止。差唔多一個鐘之後，佢哋先幫我鬆綁然後帶我往廁所。去廁所之前，我叫過 嗰個女警可唔可以唔好望實我去廁所。
但佢話規矩一定係咁。我要求過打俾律師，打俾屋企人，至少提出過 6 次，但警察不斷話「等陣先」，去到最後我都冇打過一通電話。雖然最後見到律師，但我覺得自己好冇人權，喺警署等待期間，覺得好徬徨、無助和恐懼，對手已經痺晒都不獲理會，仲不斷受到惡言相向同埋言語諷刺，再次感到任人魚肉。之後，警察安排我進行搜身，後來先知道係三級搜身。嗰位女警要求我先脫去上衣，包括胸圍，再著返胸圍及上衣，然後除面褲和底褲。那名女警於搜身過程將 頭靠近我的胸部和下體，一邊講啲好難聽好侮辱嘅說話。到呢一刻我仲感覺到那份羞恥感。當晚，我俾一班男警帶我返屋企進行搜屋，嗰刻真係好害怕。我喺被捕嗰陣甩左一隻鞋，但係警察淨係俾左我一對紙拖鞋，我由落車到行返屋企都需要一段路，期間覺得好無助，都唔知道會有咩事發生。沒有律師陪伴，我都唔知自己可以或唔可以拒絕啲咩，即使搜完屋離開，仍然感到好恐懼。
2. 希望消除社會對性暴力受害者污名化
嗰下真係好無助，好驚。咁大個女真係冇試過俾人咁樣打量自己嘅身體，仲要係私人部位。對方仲要係陌生人，即使係女性，我講吓咁樣被打量，仲要不斷被人用言語侮辱我嘅身體，我真係覺得好羞恥好冇尊嚴，好似俾人當一隻動物咁。事件發生之後，我好似冇事發生咁離開警署，彷彿同喺入面被不恰當對待嘅事抽離左。過咗一段時間，我開始好易被聲音同突然嘅觸碰嚇親，並且好難平復，嚴重嘅時候甚至會焦慮發作同喊。我仲會開始發惡夢。我嗰陣唔願意承認情緒崩潰嘅原因係由警方嘅性暴力而嚟，一直同自己講可能只係我近排壓力大心情唔好。
因為我被警方揸胸嘅片段喺網上流出，下面好多留言有一部分唔係同情，而係喺 度批評我嘅樣貌身材，喺度取笑我，話「鬼想揸你呀」「冇人想掂到你呀」。甚至話我小題大做。呢啲事情，再加上一直以來社會話俾我嘅觀念:除非事件對你嘅身 體造成實質傷害，否則冇資格被稱之為性暴力。攞出來講，人哋會覺得我小題大 做同博同情。呢個都係好多受害者唔敢求助嘅原因。我冇辦法接受呢一切，嘗試跳軌自殺，有人救翻我上去，我俾人送咗入精神科醫院。喺嗰度我確診咗創傷後壓力後群，即 PTSD。
出院後我接觸左一班有相同經歷嘅人，慢慢明白到性暴力冇一個既定嘅形式，更加同受害人嘅性別外表無關。錯嘅係施害人，喺警暴嘅例子，警方只係當我哋係一個發洩仇恨嘅工具，想侮辱，摧毁我哋，等我哋冇晒尊嚴，希望我地滅聲，甚至後悔自己發過聲指責佢地同政權嘅不公。反正佢哋知道自己做任何行為都唔需要負上法律責任。我明白左呢一切而呢個正正係我必須發聲嘅原因。警方，甚至呢個政權，用呢啲卑鄙嘅手段傷害自己嘅人民，打壓一啲指出不公，披露真相嘅 聲音。佢哋身為執法者，應該按照法律做事。人民犯法，固然需要受到法律嘅制 裁。
但執法者係冇權力向人民行使私刑，包括言語，肢體甚至性暴力。政府官員亦因為政治私利去包庇警方對犯人行私刑嘅惡行，更指鹿為馬，攻擊發聲嘅受害人，污名化佢哋，甚至幫佢哋加上莫須有罪名。呢個亦都係我同好多受害人害怕發聲甚至求助嘅原因。好似 x 小姐嘅案件，事主被警察輪姦成孕，明明佢係受害人，向警方提出檢控，但涉事警員不但冇被追究，反而警方以落假口供嘅罪名通緝事主，「原告變被告」，到底個社會有幾荒謬先可以光明正大咁比呢啲事情發 生。其實唔好講追究佢地，好多人連向專業人士求助都唔敢。
呢個社會嘅清算文 化實在太可怕。作為社會運動事件嘅受害人，我哋根本唔知道有咩專業人士係信得過。身邊嘅朋友總會叫我地睇醫生，搵社工求助，但其實係呢個警權過大嘅社 會，我哋唔知道對方會唔會將我哋嘅事情通報警方，更加唔知道警方會唔會向相 關嘅部門索取資訊，然後再次拘捕我哋。
3. 即使擔心但依然想企出來的原因
其實我都有擔心過企出嚟講呢一番說話會影響我嘅前途。我都有我將來嘅目標想實現。但恕我直言，係極權政府底下，根本冇夢想可言。無論成為幾有地位嘅人，最終都只會淪為政府嘅傳聲筒，違背自己嘅初衷。我今年 17 歲，喺呢個未有包袱嘅年紀，仲可以發聲嘅時候，我想同打壓我哋嘅人講，我哋係唔會驚，更加唔會因為呢啲打壓而放棄。呢啲事情本來唔應該發生係任何人身上，更加唔應該係由本來保護我哋，服務我哋嘅人，咁樣傷害我哋。呢一切係如此荒謬，代表我哋作為一個香港人，越有責任去發聲控訴呢個政權嘅不公，去推翻呢個政權，光復呢片土地。
Ideas are bulletproof. 佢哋可以用槍林彈雨鎮壓反對嘅聲音，但佢哋冇辦法殺死人民對公義同自由嘅追求，更加冇可能將真相掩蓋。希望可以喺度俾少少勇氣大家繼續行落去，每位暴政下嘅受害人都唔係只係一個故事，佢地都有自己嘅人生，係一條生命。縱使不公嘅行為係如此頻繁咁發生，希望大家唔好麻木，因為呢事情根本一次都唔應該發生。亦都想喺度幫其他有自己嘅原因而沉默嘅同學發 聲，希望可以俾到一份鼓勵佢哋，You are not alone，你嘅痛苦係真實嘅，唔係你嘅錯，亦都冇人有資格話你經歷過嘅唔算係性暴力。我哋已經盡左力，無論你發唔發聲，你都已經勇敢對抗過暴政。真相係絕對唔會被掩蓋，人民會帶着民主光復呢個香港。願榮光終歸香港。光復香港，時代革命。多謝大家。
如有任何相似經歷的朋友
可Whatsapp 92663226 或Tg @SW Ms J