亞靚就如很多基層一樣，在服務性行業工作，於一間連鎖食肆中當月薪長工收銀員。疫症下，飲食業首當其衝受到正面的衝擊，亞靚工作的公司亦不例外。
「由二月開始，我嘅人工就直線下降。點解呢？因為公司要我地放無薪假，2月就迫我放3日；3月就4日，4月仲扣我地鐘，叫我地每日返少1個鐘。」
言談間，亞靚除了無奈之外，還有滿滿的不忿。
「有日經理拎左份文件出嚟，係講疫情下公司對我地嘅安排，叫我地簽。簽完，佢好快就拎走份文件，連影低都唔比。就係咁樣，老細千方百計咁CUT我地鐘。我嘅人工正常就應該係萬2蚊，而家遂個月慢慢咁減到得9千，即係差唔多打咗75折。」
面對著資方無言無情的減薪，其實亞靚有選擇嗎？疫症下，的確，無論經濟、資方和勞方都受到影響。資方為了減省成本便向員工開刀，員工只可以無奈接受減薪，否則便是自行離職。疫情成為了一個合理的理由去犧牲勞工權益。當中，勞工是否有權利及空間跟資方商討及談判呢？合約精神、勞資談判、勞資共識等等，保障勞工權益的措施是否在疫情下就得以括免？